Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 24

Bakunè Kerèjoen Nami i Suberri Dunia Igarar?

Bakunè Kerèjoen Nami i Suberri Dunia Igarar?

Nepal

Togo

Inggris

Organisasi nami memaing dekket kibagiken meratus juta Bibèl dekket merbagè jakaen si oda gararen gennep tahun. Kami pejengjengken dekket mengurus mbuè Balè Kerajaen dekket kantor cabang. Kami mengurupi keperluen meribu perkerèjo Betel dekket utusen injil, janah kami kiberrèken pertolongen tikki lot mara. Jadi, Kènè mungkin mengkuso, ’Bakunè karina èn igarar?’

Kami oda mengido persipuluhen, iuren, manang pepulung durung-durung. Belli pè keperluen mi kerèjoen penginjilen nami mbuè kalohon, kami oda mengido-ngido kèpèng. Lebih seratus tahun si enggo salpun, majalah peduaken Menara Pengawal kibagahken mula kami percaya Jahowa kiurupi kami, janah kami ”oda nung mengido-ngido manang pè mengido asa iurupi jelma”—janah oda ma nung bagi!Mateus 10:8.

Ulaan nami iurupi merkitè pèlèen sitergerrek atè. Mbuè kalak kihargai ulaan pengajaren Bibèl si ikerèjoken kami janah kalak i pè merrèken pèlèen. Karina Saksi pè mersampang atè kiberrèken tikki, geggoh, kèpèng, dekket sidèbanna asa saut si ikellemoken Dèbata i babo tanoh èn. (1 Kronika 29:9) Kalak si nggèut merrèken pèlèen boi kipemasuk pèlèenna mi kotak-kotak si lot i Balè Kerajaen dekket i bekkas kebaktian. Mbuèen ngo kèpèng si ijalo asalna i kalak si perkèpèngenna biasa-biasa sambing, dos bagè daberru mebbalu si ipoji Jesus kumerna kipemasuk dua kèpèng logam kèdèk mi bekkas pèlèen i bages Dèbata. (Lukas 21:1-4) Jadi, isè pè boi nggati ’kipepulung manang kadè’ lako iberrèken ”ibas nienjar   ukurna nai”.1 Korintus 16:2; 2 Korintus 9:7.

Kami percaya mula Jahowa tong menggerrekken atè kalak silemmo ’kipesangap Jahowa merkitè kipèlèken harta si maharga’ asa saut si ikellemmoken Dèbata merkitè perberitaen Kerajaen.Peddah 3:9.

  • Kadè si memaing organisasi nami oda dos bagè agama sidèban?

  • Mahan kadè sambing pèlèen sitergerrek atè ipakkè?