Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 11

Kasa Kami Roh mi Kebaktian-Kebaktian Mbelgah?

Kasa Kami Roh mi Kebaktian-Kebaktian Mbelgah?

Meksiko

Jerman

Botswana

Nikaragua

Italia

Kasa kalak èn teridah merlolo atè kalohon? Idèng kalak i sidung mengèkuti sada kebaktian nami. Bagè naposo Dèbata arnia, si iperèntahken lako merpulung tellu kali sitahun, kami pè memèma tikki lako roh i pulungen si mbelgah. (5 Musa 16:16) Gennep tahun, kami kibaing tellu kebaktian mbelgah: dua kebaktian wilayah ndekkahna sada-sada ari dekket sada kebaktian regional ndekkahna tellu ari. Kadè lapaten si idapet kami i kebaktian-kebaktian i nai?

Perdenganen Kristen kami ipecelket. Bagè bangsa Israel merlolo atè kipoji Jahowa ”i pulungen ummatNa”, kami pè mengakapken lolo atè tikki mersembah Jahowa i acara-acara pilihen èn. (Psalm 26:12; 111:1) Kami boi pejumpa janah mersaor dekket Saksi-Saksi i kuria sidèban manang pè i nagerri sidèban nai. Nderrang tengah ari, kami rebbakken mangan i bekkas kebaktian, asa acara èn makin pesennangken atè. (Ulaan Apostèl 2:42) I kebaktian i, kami mengakapken ngkelleng si pesadaken ”dengan samah-samah Kristen” i suberri dunia èn.1 Petrus 2:17.

Kami iurupi asa makin mendè pertendien nami. Bangsa Israel dapet lapaten mula ’enggo mengantusi’ Lapihen Simbadia si ipetangkas mi kalak i. (Nehemia 8:8, 12) Kami pè kihargai pengajaren Bibèl si ijalo i kebaktian nai. Gennep acara merisi tema i Bibèl nai. Merkitè jamita, simposium, dekket contoh sitiruen, kami kipelajari carana mengulaken si ikellemoken Dèbata i kenggelluhen nami. Kami sennang tikki memeggè pengalamen kalak si merhasil pesidungken merbagè masalah i masa susah bagèndari. I kebaktian regional, cerita i bagas Bibèl nai ibaing gabè sada drama si memerrè pelajaren si murah itiru. I gennep kebaktian, ibaing sada acara pendidien mi piga-piga kalak si naing kibuktiken mula ia nggèut memerrè nggelluhna mi Dèbata.

  • Kasa acara i kebaktian boi perohken lolo atè?

  • Kade lapatenna mula Kènè roh mi kebaktian?