Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 2

Kasa Kami Igerari Saksi-Saksi Jahowa?

Kasa Kami Igerari Saksi-Saksi Jahowa?

Noak

Abraham dekket Sara

Musa

Jesus Kristus

Mbuè kalak merpikir mula Saksi-Saksi Jahowa agama rembaru. Tapi, lebih 2.700 tahun si enggo salpun, naposo Dèbata situhunna iumpamaken bagè ’saksi-saksiNa’. (Jesaya 43:10-12) Soh mi tahun 1931, kami itandai mergerar Persiajar-Persiajar Bibèl. Kasa bagèndari kami memakkè gerar Saksi-Saksi Yehuwa Jahowa?

Gerar i petuduhken isè ngo Dèbata si isembah kami. Menurut surat-surat arnia, gerar Dèbata, imo Jahowa, lot tersurat ibagas Bibèl ribuen kali. I mbuè terjemahen Bibèl, gerar i igancihi gabè sada pangkat, contohna Tuhan manang Dèbata. Tapi, tikki kirana mi si Musa, Dèbata situhunna kibagahken gerar pribadiNa, Jahowa, janah mendokken, ”Ingo gerarku soh mi amman sumendah.” (2 Musa 3:15) Gerar èn kipejaè diriNa i karina dèbata si oda tuhu nai. Kami merlolo atè memakkè gerar Dèbata simbadia.

Gerar i petuduhken tujuun nami. I jaman arnia mbuè kalak, mulai si Abel si merukur selloh, mersaksi mula kalak i percaya mi Jahowa. Tikki enggo meratus-ratus tahun salpun, Noak, Abraham, Sara, Musa, Daud, dekket sidèbanna mersada gabè mbuè ”saksi i sikulilingta” èn. (Heber 11:4–12:1) Dos bagè kalak si mersaksi i persidangen lako kibèla sioda mersalah, kami pè mertèkat lako memagahken kesèntengen tersèngèt Dèbata nami.

Kami mengèkutken Jesus. I Bibèl, ia igerari ”saksi kettoken janah bennar”. (Alamat 3:14) Jesus pè mendokken mula ia ’enggo petandaken gerar Dèbata’ janah terus ”mengkesaksiken tersènget kebennaren” Dèbata. (Johanes 17:26; 18:37) Kumerna i, kalak simengèkutken Jesus kennah mertuhu-tuhu kipakkè dekket kibagahken gerar Jahowa. Imo si ibahan Saksi-Saksi Jahowa.

  • Kasa Persiajar-Persiajar Bibèl gabè kipakkè gerar Saksi-Saksi Jahowa?

  • Mulai dahari ngo Jahowa mersidasaken saksi-saksi i babo tanoh èn?

  • Isè ngo pribadi si nggatina merrèken kesaksien tersèngèt Jahowa?