Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 22

Kadè Sambing Kerèjoen i Kantor Cabang?

Kadè Sambing Kerèjoen i Kantor Cabang?

Kepulauan Solomon

Kanada

Afrika Selatan

Karina anggota simpangaan Betel mertugas i mermatcam bagien lako mengurus ulaan perberitaen i sada nagerri manang lebih. Lot kerèjo i kelompok penerjemah, kicetak majalah, menjilid bukku, mengirim jakaen, memaing rekamen ­audio/video, manang mengurus sidèbanna.

Panitia Cabang kiperdatèken ulaan. Pulungen Pengulu kipesakat karina ulaan i gennep kantor cabang mi Panitia Cabang, imo piga-piga sintua si bijak kalohon, tellu kalak manang lebih. Panitia èn terus kibagahken mi Pulungen Pengulu tersèngèt kemajuen nagerri si iperdatèkensa, dekket permasalahen si terjadi. Merkitè keterangen bagi, Pulungen Pengulu iurupi lako kipilih kadè sambing kennah ibaing i mbuè jakaen si naing roh dekket i perpulungen manang pè i kebaktian. Wakil-wakil Pulungen Pengulu nggati ipeberkat mendahi cabang-cabang lako memerrèken peddah mi Panitia Cabang tersèngèt carana mengulaken piga-piga ulaan. (Peddah 11:14) Wakil kantor pusat èn pesakatken jamita i sada acara pilihen si ibaing lako petegguhken karina kalak si tading i wilayah cabang i.

Merrèken pengurupen mi karina kuria si lot i bekkasna. Karina daholi si mertanggung jawab i kantor cabang menguèi rencana memaing kuria-kuria rembaru. Kalak i pè mengatur ulaan karina perintis, utusen injil, dekket sintua kuliling si mertugas i daerah cabang i. Kalak i kiorganisasi kebaktian, mengatur ulaan pejengjengken Balè Kerajaan si rembaru, dekket kipastiken jakaen ikirim asa cukup keperluen karina kuria. Kumerna pengurupen kantor cabang, kerèjoen perberitaen boi merratur iulaken.1 Korintus 14:33, 40.

  • Bakunè Panitia Cabang mengurupi Pulungen Pengulu?

  • Kadè sambing si ikerèjoken i kantor cabang?