Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 13

Kadè ngo Perintis I?

Kadè ngo Perintis I?

Kanada

Penginjilen

Pelajaren Bibèl

Pelajaren pribadi

Kata ”perintis” nggati ipakkè mi sada kalak si laus mi bekkas rembaru lako kibuka dalan mi jelma sidèban. Jesus boi idokken perintis kumerna ia ipasulak mi babo tanoh èn lako mengkebasi janah kibuka dalan kelluahen. (Mateus 20:28) I jaman bagèndari, si mengèkutkensa pè kitiru ia merkitè memakkè mbuè tikki lako ’memaing sisiin’. (Mateus 28:19, 20) Piga-piga kalak boi dekket menginjil si igerari kami ulaan perintis.

Perintis imo si merrè mbuè tikki lako menginjil. Karina Saksi Jahowa imo perberita sukuten kelluahen. Tapi, lot memaing ­tujuun asa boi menginjil 70 jam i gennep bulan, si igerari ­perintis biasa. Asa boi bagi, piga-piga kalak pellin setengah ari kerèjo. Sidèban itugasken lako menginjil mi bekkas si lebih kiperluken perberita Kerajaen, si igerari perintis pilihen. Kalak i memèlèken 130 jam manang lebih i gennep bulan. Karina perintis puas mi kadè si lot bana, janah percaya mula Jahowa kiberrè keperluen kalak i. (Mateus 6:31-33; 1 Timoteus 6:6-8) Si oda boi merintis i gennep tikki boi menginjil 30 jam manang 50 jam i gennep bulan mula cocok keadaenna, si igerari perintis ekstra.

Perintis tergerrek atèna kumerna ngkelleng mi Dèbata dekket jelma sidèban. Bagè Jesus, kami mengidah mbuè jelma i jaman bagèndari perlu kalohon peneguen pertendien. (Markus 6:34) Janah, lot perbinetohen nami si boi mengurupi kalak i dekket merrèken pengharapen pasti tersèngèt ari kaduan. Ngkelleng mi samahsa memaing sada perintis tergerrek lako merrèken ­tikki dekket geggohna asa boi mengurupi pertendien jelma sidèban. (Mateus 22:39; 1 Tesalonika 2:8) Hasilna, kepercayaenna ipetegguh, hubungenna mi Dèbata makin ncelket, janah ia pè mersampang atè.Ulaan Apostèl 20:35.

  • Peterrangmo kadè perintis i.

  • Kadè si memaing piga-piga kalak lemmo merrèken gennep tikki asa boi merintis?