Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 21

Kadè ngo Betel i?

Kadè ngo Betel i?

Bagien Seni, Amerika Serikat

Jerman

Kenya

Kolombia

Gerar ”Betel” i bahasa Heber nai artina ”Bages Dèbata”. (1 Musa 28:17, 19) Gerar èn cocok mi mbuè bangunen si ibaing Saksi-Saksi Jahowa i suberri dunia lako mengatur dekket mengurupi kerèjoen penginjilen. Pulungen Pengulu mertugas i kantor pusat sedunia i Nagerri Bagian New York, AS, dekket kiperdatèken ulaan kantor-kantor cabang i mbuè nagerri. Karina kalak si kerèjo i bekkas èn itandai gabè simpangaan Betel. Bagè sada simpangaan, kalak i tading janah rebbakken kerèjo, rebbakken mangan, dekket rebbakken mersiajar Bibèl janah mersada i kedamèen.Psalm 133:1.

Bekkas si cocokna mi sada simpangaan si merlemmo atè kerèjo. Daholi dekket daberru Kristen si kerèjo i Betel merlemmo atè memerrèken nggelluhna gennep tikki lako mengulaken si ikellemoken Dèbata dekket mengurus keperluen Kerajaen. (Mateus 6:33) Oda lot si menjalo gaji, tapi mi kalak i lot ngo bekkas tading dekket panganen, janah cituk pengurupen lako menutupi keperluenna. Gennep kalak i Betel lot ngo tugasna, piga-piga i kantor, i dapur, manang perkebbas. Lot kerèjo i percetaken manang i bekkas menjilid bukku, manang kerèjo i bagien kebersihen, kipebersih pakkèen, kipetoko si ncèda dekket sidèbanna.

Bekkas perkerèjo mengulaken mbuè ulaan perberitaen Kerajaen. Tujuun Betel sipentingna imo memerrèken kesèntengen Bibèl mi karina jelma. Bukku èn mo sada contohna. Enggo kessa bukku èn isuratken merkitè pengawasen Pulungen Pengulu, surat elektronis ikirim mi meratus kelompok penerjemah i suberri dunia, icetak memakkè mesin-mesin canggih i piga-piga percetaken Betel, janah ikirim mi lebih 110.000 kuria. Merkitè karina kerèjo si bagidi, simpangaan Betel mengurupi kerèjoen si perlu kalohon bagèndari—memagahken berita simerandal.Markus 13:10.

  • Isè si mertugas i Betel, dekket kadè sambing pengurupen mi kalak i?

  • Ulaan penting kadè si iurupi perkerèjo Betel?