Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 1

Bakunè ngo Saksi-Saksi Jahowa I?

Bakunè ngo Saksi-Saksi Jahowa I?

Denmark

Taiwan

Venezuela

India

Lot ngo Saksi Jahowa si itandai Kènè? Piga-piga Saksi Jahowa mungkin dengan sakuta, dengan kerèjo, manang dengan sakelas Ndènè. Manang, Kènè mungkin nung mersiajar Bibèl dekket kami. Isè ngo kami situhunna, janah kasa kami kibagahken kepercayaan nami mi jelma sidèban?

Kami jelma biasa. Kami roh i mbuè suku dekket bahasa nai dekket keadaen sosial nami pè mermatcam-matcam. Piga-piga kalak arnia meragama sidèban, lot ma arnia oda percaya mi Dèbata. Tapi, sinderrang oda dèng jadi Saksi, kami karina mendè kiperèso ajaren Bibèl. (Ulaan Apostèl 17:11) Kami setuju mi pelajaren nami i, janah pribadi nami pè tergerrek memaing keputusen lako mersembah Dèbata Jahowa.

Kami mengakapken lapatenna kipelajari Bibèl. Bagè jelma sidèban, kami pè mengakapken mermatcam masalah dekket kinindotè. Tapi, kumerna memakkè prinsip Bibèl, kenggelluhen nami gabè makin mendè. (Psalm 128:1, 2) Imo sada alasen kasa kami kibagahken karina si mendè si ipelajari kami i Bibèl nai.

Kami nggelluh menurut prinsip-prinsip Bibèl. Prinsip-prinsip èn mengurupi kami asa merlolo atè, makin kipesangap jelma sidèban, janah boi mengurupi kami merlako jujur dekket burju. Prinsip-prinsip èn boi memaing mbuè jelma gabè nduma janah merhasil, dekket memaing simpangaan mengakapi kedamèen janah merpengelako mendè. Kumerna percaya mula ”dos ngo ibaing Dèbata taba jelma karinana”, dekket kumerna sada kepercayaen nami, kami kiakapi perdenganen i suberri dunia èn, oda nè kami curiga mi suku sidèban dekket politik. Kami memang jelma biasa, tapi kumerna sada organisasi, kami jaè mi sidèban.Ulaan Apostèl 4:13; 10:34, 35.

  • Bakunè ngo Saksi Jahowa i, dos ngo bagè sidèban?

  • Prinsip-prinsip kadè sambing si ipelajari karina Saksi i Bibèl nai?