Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 16

Kadè ngo Ulaan Hamba Pelayanen?

Kadè ngo Ulaan Hamba Pelayanen?

Myanmar

Tugas i perpulungen

Pulungen perberita

Kipebersih Balè Kerajaen

Menurut Bibèl, lot dua pulungen daholi Kristen si mendalanken merbagè tanggung jawab i kuria, imo ”pengendeng bak pengurupi”. (Pilipi 1:1) I sada kuria, biasana lot piga-piga sintua dekket hamba pelayanen. Kadè sambing ulaan si ibahan hamba pelayanen?

Mengurupi karina sintua. Karina hamba pelayanen, tua-tua manang pè si matah daging, daholi si ntegguh pertendienna, boi i percaya, dekket mertuhu-tuhu. Kalak i nggati mengulaken merbagè tugas janah perlu mi kuria dekket i Balè Kerajaen. Merkitè bagi, sintua boi mengelebbèken tanggung jawab lako mengajar dekket kipermakani anggota kuria.

Mengulaken piga-piga tugas. Piga-piga hamba pelayanen itugasken menjalo si roh i perpulungen. Sidèban mengurusi peralaten musik, kibagi mermatcam bukku, manang jakaen sidèban, mengurus perkèpèngen kuria, dekket mengatur daerah penginjilen mi anggota kuria. Kalak i pè engket kipebersih Balè Kerajaen. Sintua pè boi mengido mi kalak i asa mengurupi si tua-tua. Karina anggota kuria kennah peteridahken sangap mi hamba pelayanen kumerna kalak i tergerrek i bagas atè nai lako mengulaken kadè pè tanggung jawab si iberrè.1 Timoteus 3:13.

Daholi Kristen si burju merrèken codien. Hamba pelayanen ipilih kumerna mendè sipat-sipatna. Tikki pesakatken tugas i acara perpulungen, kalak i petegguhken kepercayaen nami. ­Kumerna merrè codien tersèngèt penginjilen, kami pè makin mersemangat. Kumerna sipat merlemmo atè rebbak kerèjo, kalak i memaing kami makin merlolo atè janah memaing kami mersada. (Epesus 4:16) I tikkina, kalak i pè boi gabè sintua..

  • Bakunè ngo hamba pelayanen i?

  • Bakunè kalak i memaing merbagè ulaan i kuria merdalan mendè?