Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Isè ngo si Mengulaken Lemmo Atè Jahowa i Jaman Bagèndari?

 PELAJAREN 25

Balè Kerajaen—Kasa dekket Bakunè I Ipejengjeng?

Balè Kerajaen—Kasa dekket Bakunè I Ipejengjeng?

Bolivia

Nigeria, arnia dekket bagèndari

Tahiti

Bagè teridah i gerarna nai, Balè Kerajaen imo bekkas lako mersiajar Bibèl janah mengelebbèken Kerajaen Dèbata—si ibahas i penginjilen Jesus.Lukas 8:1.

Bekkas kuria simbadia i sada daerah. Saksi-Saksi Jahowa kiatur perberitaen sukuten kelluahen tersèngèt Kerajaen i bekkas èn nai. (Mateus 24:14) Lot mermatcam bagè ukuren dekket bentuk Balè Kerajaen, tapi karinana biasa-biasa sambing, janah biasana sada Balè Kerajaen ipakkè piga-piga kuria. Rembaru èn, kami enggo pejengjengken puluhen ribu Balè Kerajaen rembaru (rata-rata lima gennep ari) lako memaing bekkas mi kuria rembaru. Bakunè carana asa boi mengulaken i?Mateus 19:26.

Ibaing merkitè kèpèng si ijalo i pèlèen nai. Karina pèlèen ikirimken mi kantor cabang asa kèpèng i boi ipakkè mi kuria-kuria si perlu memaing manang kipelias Balè Kerajaen.

Perkerèjona imo kalak si tergerrek atè mengurupi si roh i mbuè suku dekket bahasa nai. I mbuè nagerri, lot Pulungen Pejengjengken Balè Kerajaen. Pulungen si meranggotaken piga-piga perkerèjo dekket si tergerrek atè mengurupi konstruksi pindah i sada kuria mi kuria sidèban i sada nagerri, manang pè mi bekkas si ndaoh kalohon, lako mengurupi kuria i sidi lako pejengjengken Balè Kerajaenna. I nagerri-nagerri sidèban, piga-piga Saksi si ipilih iberrè tugas lako kiperdatèken ulaan pejengjengken dekket peliasken Balè Kerajaen i wilayah si itugasken. Mbuè pè perkerèjo si pandè mertukkang i wilayah i janah si tergerrek atè mengurupi karina ulaan, mbuèen ngo perkerèjo i kuria i sidi nai. Karina èn boi saut kumerna pasu-pasu tendi Jahowa dekket usaha gennep ukur naposoNa si mertuhu-tuhu kerèjo.Psalm 127:1; Kolose 3:23.

  • Kasa bekkas nami mersembah Dèbata igerari Balè Kerajaen?

  • Bakunè carana mbuè Balè Kerajaen boi ipejengjeng i suberri dunia èn?