Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Berita Simerandal Bai Dèbata Nai!

 PELAJAREN 3

Tuhu ngo Berita Simerandal èn bai Dèbata nai?

Tuhu ngo Berita Simerandal èn bai Dèbata nai?

1. Karangen Isè ngo Bibèl i?

Berita simerandal si magahken mula mbuè jelma lako nggelluh sidekah-dekkahna i babo tanoh èn lot tersurat i bagasen Bibèl. (Psalm 37:29) Bibèl merisi 66 bukku. Kira-kira 40 daholi ipakkè Dèbata lako menuratken Bibèl. Lima bukku perjolo isuratken si Musa kira-kira 3.500 tahun si enggo salpun. Bukku siperpodi isuratken apostèl Johanes 1.900 tahun si enggo salpun. Pikiren isè ngo si isuratken penurat Bibèl? Dèbata kirana mi penurat Bibèl merkitè tendi perbadiaNa. (2 Samuel 23:2) Oda ngo pikiren kalak i si isuratken mi Bibèl tapi pikiren Dèbata ngo. Jadi, Jahowa ngo si kikarang Bibèl.Jaka 2 Timoteus 3:16; 2 Petrus 1:20, 21.

2. Bakunè kita boi percaya mula isi Bibèl oda nung igancih?

Kita percaya mula Bibèl bai Dèbata nai kumerna karina ramalenna tersèngèt ari kaduan jelas janah pas bagè si tersurat. Oda lot jelma si boi mengulaken bagi. (Josua 23:14) Pellin Dèbata Si Perkuasa ngo boi memettoh jelas ari kaduan.Jaka Jesaya 42:9; 46:10.

Bukku bai Dèbata nai jaè mi bukku sidèban, memang kennah bagi ngo. Miliaren Bibèl enggo icetak i ratusen bahasa janah idikè pè lot. Belli pè enggo ndekkah isuratken, Bibèl tong sedalan dekket ilmu pengetahuan alam si enggo terbukti. Sidèbanna, karina si isuratken 40 kalak i sedalan, oda mersialon. * I Bibèl pè tersurat tersèngèt ngkelleng, sipat èn pellin boi ipeterang Dèbata si perkelleng atè. Bibèl boi memaing nggelluhta makin mendè. Siperluna tabettoh, kumerna Jahowa Perkuasa, oda mungkin ibelli kata-kataNa i bagas Bibèl igancihi. Karina keterangen èn petegguhken jutaan kalak mula bai Dèbata nai ngo Bibèl i.Jaka Jesaya 40:8; 1 Tesalonika 2:13.

 3. Kadè ngo isi Bibèl i?

Nggati ngo Bibèl magahken berita simerandal tersèngèt lako ibaing Dèbata nggelluhta merasa kalohon seggen. Ipeterang Bibèl ma ngo mula kesempaten jelma lako nggelluh i paradaiso enggo mbalang tikki merdosa si Adam dekket Hawa, janah ibagahken ma mula paradaiso lako ipelias.Jaka Alamat 21:4, 5.

Bibèl pè merisi hukum, prinsip, dekket peddah. Sidèbanna, isuratken ma ngo bakunè cara Dèbata menghadapi jelma, isi nai mo boi ta bettoh sipat-sipat Dèbata. Jadi, Bibèl mengurupi kita asa menandai Dèbata. Bibèl pè peterangken banta bakunè carana boi gabè supan-supan Dèbata.Jaka Psalm 19:8, 12; Jakobus 2:23; 4:8.

4. Bakunè Kènè boi mengantusi isi Bibèl?

Bukku èn meniru cara Jesus mengajar lako mengurupi kita mengantusi isi Bibèl. Jesus memakkè merbagè-bagè ayat Bibèl dekket peterangken kadè ”nidokken Bibèl”.Jaka Lukas 24:27, 45.

Oda lot si lebih pesennangken atè daripada berita simerandal bai Dèbata nai. Tapi, lot kalak oda memperdatèken berita i, janah lot ma merceggo atè memeggèsa. Ulang nggèut terpengaruh. Kènè boi dapetten harapen nggelluh sidekah-dekkahna pellin mula Kènè menandai Dèbata.Jaka Johanes 17:3.

 

^ par. 3 Tengen Buku bagi Semua Orang. (Lot i bahasa Indonesia)