Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Berita Simerandal Bai Dèbata Nai!

 PELAJAREN 11

Kadè ngo Lapaten Prinsip-Prinsip Bibèl banta?

Kadè ngo Lapaten Prinsip-Prinsip Bibèl banta?

1. Kasa jelma kiperluken teggu-tegguen?

Bakunè prinsip Bibèl boi mengurupi kita mermanat asa ulang cilaka?—PSALM 36:10.

Bijaken ngo Si Menempa kita daripada dirinta. Bagè Bapa si perkelleng, Ia memperdatèken kedamèenta. Janah, kita itempa lako nggelluh merkitè teggu-tegguen Jahowa. (Jeremia 10:23) Bagè sada anak perlu teggu-teggu partuana, kita pè kiperluken peneggu-negguen Dèbata. (Jesaya 48:17, 18) Prinsip-prinsip Bibèl mo peneggu-negguen banta bai Dèbata nai.Jaka 2 Timoteus 3:16.

Merkitè mengulaken hukum dekket prinsip Jahowa, kita boi mengakapken kenggelluhen si mendèna bagèndari dekket dapetten pasu-pasu si amman sumendah kaduan. Kumerna Dèbata si Kitempa kita, kita patut merlolo atè mengèkutken teggu-tegguenNa.Jaka Psalm 19:8, 12; Alamat 4:11.

2. Kadè ngo prinsip-prinsip Bibèl i?

Prinsip-prinsip Bibèl imo kebenaren-kebenaren dasar. Bedana, Hukum ibaing mi keadaen tertentu. (5 Musa 22:8) Kita kennah memakkè kemampuen merpikkirta lako memettoh cara mengulaken prinsip i keadaen tertentu. (Peddah 2:10-12) Contohna, Bibèl mengajarken mula kenggelluhenta bai Dèbata nai. Prinsip dasar i meneggu-neggu kita i bekkas kerèjo, i sapo, manang pè i perdalanen. Mula ta èngèt prinsip i, kita pasti mermanat asa ulang cilaka.Jaka Ulaan Apostèl 17:28.

3. Dua prinsip apahna ngo si pentingna?

Jesus kibagahken dua prinsip si pentingna. Prinsip perjolo lot hubungenna dekket tujuun kenggelluhen jelma, imo lako menandai, mengkellengi, dekket setia menembah Dèbata. Prinsip perjolo èn perlu lalap ta pikirken tikki kibaing keputusen kadè sambing. (Peddah 3:6) Kalak  si mengulaken prinsip i boi gabè supan Dèbata, mengakapi sampang atè situhunna, dekket nggelluh sidekah-dekkahna.Jaka Mateus 22:36-38.

Prinsip peduaken meneggu-neggu kita asa merdamè dekket jelma sidèban. (1 Korintus 13:4-7) Lako mengulaken prinsip peduaken èn, kita perlu meniru Dèbata merhubungen mi jelma.Jaka Mateus 7:12; 22:39, 40.

4. Kadè lapaten prinsip-prinsip Bibèl banta?

Merkitè mengulaken prinsip-prinsip Bibèl, simpangaan ipesada kumerna ngkelleng.(Kolose 3:12-14) Bibèl pè mengondingi simpangaan merkitè sada prinsip sidèban. Bibèl mengajarken perkawinen imo hubungen si tetap.Jaka 1 Musa 2:24.

Merkitè mengulaken prinsip-prinsip Bibèl, kita boi mengakapi kedamèen ukur dekket oda kekurangen i perkèpèngen. Contohna, lemmoen ngo atè majiken mi perkerèjo si jujur dekket ngkasah kumerna mengulaken prinsip Bibèl. (Peddah 10:4, 26; Heber 13:18) Bibèl pè mengajarken kita asa puas mi keperluenta dekket pejoloken hubungenta mi Dèbata daripada perkèpèngen.Jaka Mateus 6:24, 25, 33; 1 Timoteus 6:8-10.

Mengulaken prinsip Bibèl pè boi mengondingi kesehatenta. (Peddah 14:30; 22:24, 25) Contohna, mula ta uèi perèntah Dèbata si menggerra kita tènggèn, kita pè ndaoh i penakit dekket mara. (Peddah 23:20) Jahowa kipaduè kita mènum ènumen meralkohol tapi ulang mbuèsu. (Psalm 104:15; 1 Korintus 6:10) Prinsip-prinsip si iberrè Dèbata merlapaten ngo banta. Merkitè i, kita iajari asa menjaga pengelako dekket pikirenta. (Psalm 119:97-100) Tapi, kalak Kristen situhunna pesangapken prinsip Dèbata oda pellin merguna bana sambing. Kalak i mengulakensa lako kipoji Dèbata.Jaka Mateus 5:14-16.