1. Kadè lapetanna mula kita tong mersiajar Bibèl?

Pembahasen ajaren-ajaren dasar Bibèl èn pasti memaing kita makin mengkellengi Jahowa. Ngkelleng i perlu ipetegguh. (1 Petrus 2:2) Kita boi merpengharapen nggelluh si amman sumendah mula kita tong merusaha lako gabè supan-supan ni Dèbata merkitè mersiajar Bibèl.Jaka Johanes 17:3; Judas 21.

Tikki makin mbuè kita mendapet perbinettohen tersèngèt Dèbata, kepercayaenta gabè makin ntegguh. Merkitè kepercayaen, kita boi pesennangken Dèbata. (Hebèr 11:1, 6) Kepercayaenta i boi pesatdar kita asa mertobat dekket maing perobahen simendè i kenggelluhenta.Jaka Ulaan Apostèl 3:19.

2. Bakunè perbinettohenta tersèngèt Dèbata boi merlapaten mi kalak sidèban?

Kita boi gabè supan-supan Jahowa

Kita pasti nggèut kibagahken si enggo ta pelajari mi sidèban. Kita pè sennang kibagahken berita simerandal. Sambil mersiajar Bibèl, Kènè pè boi memettoh carana kipakkè Bibèl lako peterangken kepercayaen Ndènè tersèngèt Jahowa dekket berita simerandal.Jaka Rom 10:13-15.

Mbuè kalak mulai kibagahken berita simerandal mi dengan-dengan manang pè pamilina. Bijak mo mengulaken i. Ulang dokken agama kalak i salah. Bagahken sambing tersèngèt janji-janji Dèbata mendahi kalak i. Janah èngètmo mula kalak i lemmoen mengidah pengelako Ndènè daripada sini katakan Ndènè.Jaka 2 Timoteus 2:24, 25.

3. Hubungen kadè si boi ta baing dekket Dèbata?

Boi makin ntegguh pertendien ta merkitè mersiajar Bibèl. Hasilna, kita boi gabè supan-supan Dèbata. Kita boi gabè likNa dekket gabè anggota simpangaanNa.Jaka 2 Korintus 6:18.

 4. Bakunè kita boi tong memaing kemajuen?

Kita boi memaing kemajuen pertendien merkitè tong mersiajar Bibèl. (Heber 5:13, 14) Pidomo mi sada kalak Saksi Jahowa asa mersiajar Bibèl rebbak Kènè memakkè bukku Apa yang Sebenarnya Alkitab Ajarkan? (Lot i bahasa Indonesia) makin mbuè si ipelajari i Bibèl nai, makin merhasil ngo nggelluh Ndènè.Jaka Psalm 1:1-3; 73:27, 28.

Berita simerandal bai Jahowa nai, Dèbata si mersampang atè. Kita boi gabè supan-supanNa merkitè merdengan dekket naposoNa. (Heber 10:24, 25) Mula kita tong merusaha pesennangken Jahowa, kita pè boi dapetten kenggelluhen situhunna, imo kenggelluhen si amman sumendah. Oda nè lot tujuun sidèban si lebih mulia daripada gabè supan Dèbata.Jaka 1 Timoteus 1:11; 6:19.