Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Berita Simerandal Bai Dèbata Nai!

 PELAJAREN 14

Kasa Dèbata Memaing Organisasi?

Kasa Dèbata Memaing Organisasi?

1. Kasa Dèbata mengatur bangsa Israel najolo?

Dèbata mengatur pinempar si Abraham asa gabè sada bangsa janah memerrèken kalak i hatoren. Ia menggerari kalak i bangsa ”Israel” dekket memaing kalak i asa boi kipertahanken agama situhunna dekket kataNa. (Psalm 147:19, 20) Jadi, kalak i karina bangsa nai boi dapetten pasu-pasu merkitè bangsa Israel.Jaka 1 Musa 22:18.

Dèbata kipilih bangsa Israel gabè saksi-saksiNa. Kadè si iakapi bangsa Israel najolo petuduhken lapatenna menguèi hatoren Dèbata. (5 Musa 4:6) Jadi, merkitè bangsa Israel, bangsa sidèban pè boi menandai Dèbata situhunna.Jaka Jesaya 43:10, 12.

2. Kasa kalak Kristen situhunna iorganisasi?

Ipodi ni ari, bangsa Israel oda nè ikelemmoken Dèbata. Janah, Jahowa menggancih bangsa i gabè kuria Kristen. (Mateus 21:43; 23:37, 38) Bagèndari, kalak Kristen situhunna menggancihi bangsa Israel najolo janah gabè saksi-saksi bai Jahowa.Jaka Ulaan Apostèl 15:14, 17.

Jesus mengatur asa si mengèkutkensa merberita dekket memaing kalak i karina bangsa gabè sisiinna. (Mateus 10:7, 11; 24:14; 28:19, 20) Kerèjoen i soh mi ujungna i ari perpodi èn. Èn mo perjolona Jahowa pesadaken jutaan jelma i suberri bangsa mi sada agama situhunna. (Alamat 7:9, 10) Kalak Kristen situhunna iatur asa mersiurupen dekket mersiantoen. I suberri dunia èn, kalak i mengakapi program persiajaren Bibèl tikki i perpulungen.Jaka Heber 10:24, 25.

 3. Bakunè mulana organisasi Saksi-Saksi Jahowa i jaman bagèndari?

Tikki tahun 1870-en, sada kelompok kèdèk siswa-siswa Bibèl dapetten kebenaren-kebenaren Bibèl si sindekkah èn mboni. Kalak i memettoh mula Jesus mengatur kuria Kristen asa merberita. Jadi kalak i mulai pesiarken berita Kerajaen Dèbata i suberri dunia èn. Tikki tahun 1931, kalak i memakkè gerar Saksi-Saksi Jahowa.Jaka Ulaan Apostèl 1:8; 2:1, 4, 11; 5:42.

4. Bakunè Saksi-Saksi Jahowa iorganisasi?

Dua ribu tahun si enggo salpun, kuria-kuria Kristen i mbuè nagerri dapet pengarahen i badan pimpinen pusat nai si mengakkui Jesus gabè Kepala kuria. (Ulaan Apostèl 16:4, 5) Bagima pè bagendari, Saksi-Saksi Jahowa i suberri dunia menjalo pengarahen i Badan Pimpinen nai imo piga-piga sintua si merpengalamen. Kalak i kiperdatèken kantor-kantor cabang Saksi-Saksi Jahowa si kiterjemahken, kicetak, dekket kibagiken jakaen si merguna lako mersiajar Bibèl i lebih 600 bahasa. Jadi, Badan Pimpinen kisediaken pengapoen dekket arahen i Bibèl nai mi lebih 100.000 kuria i suberri dunia èn. I gennep kuria, daholi-daholi si cocok lako jadi sintua manang pè pengendeng. Daholi-daholi si perkelleng atè i kiperdatèken biri-biri Dèbata.Jaka 1 Petrus 5:2, 3.

Saksi-Saksi Jahowa iorganisasi lako kiberitaken berita simerandal dekket memaing sisiin. Bage apostèl, kalak i merberita i sapo mi sapo nai. (Ulaan Apostèl 20:20) Kalak i pè kitawarken pelajaren Bibèl mi kalak si tuhu-tuhu mengkellengi kebennaren. Tapi, Saksi-Saksi Jahowa oda pellin organisasi sambing. Kalak i sada simpangaan si kiperdatèken samahsa dekket menembah Bapa si perkelleng atè. (2 Tesalonika 1:3) Kumerna naposo Jahowa iorganisasi lako pesennangken Dèbata dekket mengurupi jelma sidèban, kalak imo simpangaan si merlolo atè kalohon i babo tanoh èn.Jaka Psalm 33:12; Ulaan Apostèl 20:35.