Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Berita Simerandal Bai Dèbata Nai!

 PELAJAREN 7

Kadè ngo Kerajaen Dèbata I?

Kadè ngo Kerajaen Dèbata I?

1. Kadè ngo Kerajaen Dèbata i?

Apa nakakoạ si Yesus Datu kapaelange?MARKUS 1:40-42.

Kerajaen Dèbata imo sada pemerèntahen i sorga. Kerajaen èn naing menggancihi karina pemerèntahen sidèban dekket pesautken lemmo atè Dèbata i sorga dekket i babo tanoh èn. Pasti èn jadi berita simerandal banta. Karina jelma memerluken pemerèntahan si mendè janah oda ndekkah nè, Kerajaen Dèbata lako pesautkèn i. Kerajaen i pepulungken karina jelma si nggelluh i babo tanoh èn.Jaka Daniel 2:44; Mateus 6:9, 10; 24:14.

Kerajaen ipimpin sada raja. Jahowa enggo kilantik Jesus Kristus gabè Raja KerajaenNa.Jaka Alamat 11:15.

2. Kasa Jesus Raja si cocokna?

Jesus Raja si cocokna kumerna ia merukur mendè, dekket petegguh kebennaren. (Johanes 1:14) Jesus pè lot ngo kuasana lako mengurupi jelma kumerna i sorga nai ngo ia memerèntah babo tanoh èn. Tikki enggo ipekèkè, ia naik mi sorga dekket memmèma i kamuhen Jahowa. (Heber 10:12, 13) Ujungna, Dèbata memerrè kuasa mi Jesus asa boi ia mulai memerèntah.Jaka Daniel 7:13, 14.

3. Isè ngo dengan Jesus memerèntah?

Sada kelompok si igerari naposo simbadia lako mendengani Jesus memerèntah i sorga. (Daniel 7:27) Apostèl ni Jesus si setia ngo perjolo ipilih gabè naposo simbadia. Soh bagèndari, tong ngo ipilih Jahowa daholi dekket daberru si percaya gabè naposo simbadia. Bagè Jesus, kalak i ipekèkè gabè malaèkat i sorga.Jaka Johanes 14:1-3; 1 Korintus 15:42-44.

 Piga kalak ngo lako laus mi sorga? Jesus menggerari kalak i ”pulungen sicituk”. (Lukas 12:32) Kalak i merjumlah 144.000. Dekket Jesus, kalak i lako memerèntah i babo tanoh èn.Jaka Alamat 14:1.

4. Tikki Jesus mulai memerèntah kadè ngo si terjadi?

Kerajaen Dèbata mulai memerèntah tikki tahun 1914. * Sinderrang Raja, Jesus perlebbè kalohon mengambongken Sibolis dekket bègu-bèguna mi babo tanoh èn. Sibolis gabè nggerah mi isi babo tanoh èn. (Alamat 12:7-10, 12) Mulai i sidi nai, makin mbuè kinipersuk si iakapi jelma. Geraha, kelèhèen, penakit, dekket rènur imo bagian ”tanda” mula Kerajaen i naing kirajai tanoh èn.Jaka Lukas 21:7, 10, 11, 31.

5. Kadè si naing iulaken Kerajaen Dèbata?

Merkitè penginjilen i suberri dunia èn, Kerajaen Dèbata kipepulung mbuè kalak i gennep bangsa nai. Merjuta kalak si ncerrep merukur naing gabè masarakat ni Jesus. Kalak i naing iondingi tikki Kerajaen Dèbata kipesalpun pemerèntahen si lot i dunia èn. Jadi, karina jelma si nggèut dapetten pasu-pasu i Kerajaen Dèbata kennah menguèi Jesus.Jaka Alamat 7:9, 14, 16, 17.

Sindekkah 1.000 tahun, Kerajaen i naing mengulaken si ikelemmoken Dèbata. Suberri tanoh èn gabè paradaiso. Puncana, Jesus mengulakken Kerajaen i mi Bapana. (1 Korintus 15:24-26) Bai isè naing ibagahken Kènè tersèngèt Kerajaen Dèbata?Jaka Psalm 37:10, 11, 29.

 

^ par. 6 Penjelasen tersèngèt ramalen Bibèl si petuduhken mi tahun 1914, tengen halamen 215-218 bukku Apa yang Sebenarnya Alkitab Ajarkan? (Lot i bahasa Indonesia)