Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Berita Simerandal Bai Dèbata Nai!

 PELAJAREN 4

Isè ngo Jesus Kristus?

Isè ngo Jesus Kristus?

1. Bakunè ngo mulana kenggelluhen Jesus?

Sipat kadè sambing si memaing Jesus murah ijolmiti?MATEUS 11:29; MARKUS 10:13-16.

Ia ngo siperlebbè itempa Dèbata. Oda bagè jelma sidèban, malaèkat kin ngo Jesus i sorga sinderrang oda dèng tubuh i babo tanoh èn. (Johanes 8:23) Jesus oda itubuhken merkitè sada daberru i sorga. Langsung ngo ia itempa Dèbata Jahowa. Jadi, Jesus cocok idokken Anak Dèbata. Ia pè igerari ”Kata” kumerna ia persinabul ni Dèbata. (Johanes 1:14) Jesus dekket ma ngo menempa karina tempaan sidèban.Jaka Peddah 8:22, 23, 30; Kolose 1:15, 16.

2. Kasa Jesus roh mi babo tanoh èn?

Dèbata kipasulak AnakNa mi babo tanoh èn merkitè ipepindah kenggelluhenna i sorga nai mi kandongen sada simerbaju Jahudi mergerar Maria. Jadi, Jesus oda merbapaken jelma. (Lukas 1:30-35) Jesus roh mi babo tanoh èn lako (1) mengajarken kesèntengen tersèngèt Dèbata, (2) gabè sitiruen lako mengulaken si ikelemmoken Dèbata belli pè tikki susah, dekket (3) memerrèken kenggelluhenna si oda mertikas mahan ’tebbusen’.Jaka Mateus 20:28.

3. Kasa kita kiperluken tebbusen?

Tebbusen imo harga si kennah igarar lako kipaluah jelma i kemmatèen nai. (2 Musa 21:29, 30) Tikki kitempa jelma, oda ngo lemmo atè Dèbata asa jelma i gabè tua-tua janah matè. Kadè buktina? Dèbata mendokken mi Adam, jelma perlebbè, mula Adam mengulaken ”dosa”, matè ngo ia. Jadi, mula oda kin Adam mengulaken dosa, boi ngo ia nggelluh sidekah-dekkahna. (1 Musa 2:16, 17; 5:5) Bibèl mendokken, kemmatèen ”masuk” mi dunia èn merkitè si Adam. Jadi, Adam kiterusken dosa dekket hukumenna mi karina pinemparna,  imo kemmatèen. Kita kiperluken tebbusen asa ipaluah i hukumen kemmatèen nai si iwarisken Adam.Jaka Rom 5:12; 6:23.

Isè ngo boi menggarar tebbusen lako kipaluah kita i kemmatèen nai? Tikki kita matè, kita pellin menggarar hukumen bai dosanta sambing. Jelma si merdosa oda boi menggarar tebbusen mi dosa jelma sidèban.Jaka Psalm 49:8-10.

4. Kasa Jesus kennah matè?

Oda bagè kita, Jesus oda mertikas kumerna ia tubuh merkitè kellengangen. Ia oda nung mengulaken dosa. Jadi, ia oda kennah matè kumerna dosana, tapi ia matè lako kitebbus jelma merdosa. Dèbata kipasulak Jesus kumerna Ia mengkellengi karina jelma. Jesus pè petuduhken ngkellengna banta merkitè menguèi Bapana janah merrèken nggelluhna banta.Jaka Johanes 3:16; Rom 5:18, 19.

5. Kadè jabaten Jesus bagèndari?

Tikki i dunia èn, Jesus pejuahken kalak si mersakit, kipegelluh si matè, dekket mengurupi kalak si ndersa. Karina i petuduhken kadè naing iulaken i ari kaduan mi karina jelma simenguèi Dèbata. (Mateus 15:30, 31; Johanes 5:28) Enggo kessa Jesus matè, Dèbata kipegelluh Jèsus gabè malaèkat. (1 Petrus 3:18) Sidung i, Jesus memèma iberrè Dèbata bana kuasa lako memerèntah gabè Raja i suberri dunia èn. (Heber 10:12, 13) Bagèndari Jesus enggo gabè Raja i sorga, janah sisiinna magahken berita simerandal i suberri dunia èn.Jaka Daniel 7:13, 14; Mateus 24:14.

Oda ndekkah nè, Jesus lako kipesalpun karina kinipersuk dekket jelma si kibaing kinipersuk i merkitè kuasana. Karina jelma sipercaya mi Jesus dekket menguèisa lako dapetten kenggelluhen i paradaiso i babo tanoh èn.Jaka Psalm 37:9-11.