Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Berita Simerandal Bai Dèbata Nai!

 PELAJAREN 12

Bakunè Kita Boi Gabè Supan Dèbata?

Bakunè Kita Boi Gabè Supan Dèbata?

1. Idengkohken Dèbata ngo karina sodip?

Dèbata mendilo karina jelma asa mersodip baNa. (Psalm 65:3) Tapi, Ia oda mendengkohken, manang pè menjalo, karina sodip. Contohna, sodip sada kalak sinibalè boi terhalang mula ia merpengelako jahat mi sinibagesna. (1 Petrus 3:7) Tikki kalak Israel lalap merpengelako jahat, oda nggèut Dèbata mendengkohken sodip kalak i. Ntangkas ngo mula sodip i hak istimewa. Tapi, idengkohken Dèbata ngo sodip kalak si mengulaken dosa mula kalak i mertobat.Jaka Jesaya 1:15; 55:7.

2. Kennah bakunè ngo kita mersodip?

Bagian ibadat ta ngo sodip i. Jadi, kita mersodip pellin mi Si Menempa kita, Jahowa. (Mateus 4:10; 6:9) Sidèbanna, kumerna kita merdosa, kita kennah mersodip merkitè gerar Jesus si enggo matè lako menebbus kita i dosa nai. (Johanes 14:6) Oda lemmo atè Jahowa mula kita mengulak-ulaki sodip si i hapal manang pè isuratken. Lemmo atèNa mula kita mersodip i bagas atè nai.Jaka Mateus 6:7; Pilipi 4:6, 7.

Si Kitempa kita boi mendengkohken sodipta naing pè i bagas atè. (1 Samuel 1:12, 13) Ia mendilo kita asa mersodip manang dahari sambing, contohna ceggen ari manang pè berngin, lako mangan, dekket tikki lot masalahta.Jaka Psalm 55:23; Mateus 15:36.

3. Kasa kalak Kristen rebakken merpulung?

Oda ngo murah gabè supan Dèbata kumerna kita tading rebakken kalak si oda percaya baNa dekket mengrehei janjiNa lako pesautken perdamèen i babo tanoh èn. (2 Timoteus 3:1, 4; 2 Petrus 3:3, 13) Jadi, kita perlu pengurupen bai dengan sada kepercayaenta, janah kalak i pè kiperluken kita ma.Jaka Heber 10:24, 25.

 Merdengan dekket kalak si mengkellengi Dèbata memaing kita makin njolmit mi Dèbata. I perpulungun Saksi-Saksi Jahowa kita boi itegguhken merkitè mengidah kepercayaen kalak i.Jaka Rom 1:11, 12.

4. Bakunè Kita boi gabè supan Dèbata?

Kita boi gabè supan Dèbata merkitè mengrimangi kadè si enggo ta pelajari i Bibèl nai. Mendè mo pikirken si iulaken Dèbata, peddahNa, dekket janjiNa. Mula kita mengrimangi dekket mersodip, kita makin pesangapken ngkelleng dekket kebijaken Dèbata.Jaka Josua 1:8; Psalm 1:1-3.

Kita pasti makin njolmit mi Dèbata mula kipercayaiSa. Tapi, kepercayaen iumpamaken bagè suan-suanen si perlu isiram. Kennah lalap ta sirami kepercayaen i merkitè mengrimangi kebennaren si gabè dasar kepercayaenta.Jaka Mateus 4:4; Heber 11:1, 6.

5. Kadè lapatenna gabè supan Dèbata?

Jahowa kiperdatèken kalak si mengkellengiSa. Ia boi mengondingi kalak i tikki lot si mengancam kepercayaenna dekket harapen nggelluh sidekah-dekkahna. (Psalm 91:1, 2, 7-10) Ia kipesèngèt kita asa kipèdaoh dalan nggelluh si boi mencèdai kesehaten dekket sampang atènta. Jahowa mengajari kita cara si mendèna lako mendalani kenggelluhen.Jaka Psalm 73:27, 28; Jakobus 4:4, 8.