Langsung mi konten

Langsung mi menu peduaken

Langsung mi daptar isi

Saksi-Saksi Jahowa

Pakpak

Berita Simerandal Bai Dèbata Nai!

 PELAJAREN 1

Berita Simerandal Kadè?

Berita Simerandal Kadè?

1. Kadè berita simerandal bai Dèbata nai?

Lemmo atè Dèbata asa karina jelma mengakapken kesennangen i babo tanoh èn. Ia menempa tanoh èn dekket karina isina kumerna ngkelleng atèNa mi jelma. Oda ndekkah nè, Ia lako merrèken kenggelluhen si lebih merandal i ari kaduan mi karina jelma. Ia naing kipesalpun karina si kibaing kinipersuk.Jaka Jeremia 29:11.

Oda lot pemerèntahen si boi kipesalpun kejahaten, penakit, manang pè kemmatèen. Tapi lot berita simerandal. Dèbata sigejap nai lako menggancih pemerèntahen jelma merkitè pemerèntahenNa. MasarakatNa mengakapi kedamèen dekket kininjuah.Jaka Jesaya 25:8; 33:24; Daniel 2:44.

2. Kasa berita simerandal i perlu kalohon?

Enggo kessa ipèsalpun Dèbata jelma perjahat, oda lot nè kinipersuk i babo tanoh èn. (Zepanya 2:3) Dahari ngo i saut? Keadaen jaman bagèndari si ndersa kalohon janah mengancam kenggelluhen jelma enggo iramalken i Bibèl. Èn petuduhken mula oda ndekkah nè Dèbata lako kipesalpun i karina.Jaka 2 Timoteus 3:1-5.

3. Kadè si kennah taulaken?

Kita kennah mersiajar tersèngèt Dèbata i Bibèl nai. Bibèl iumpamaken bagè surat bai bapa si perkelleng atè nai. Bibèl magahken banta bakunè carana asa nggelluhta bagèndari boi makin mendè dekket bakunè carana asa dapetten nggelluh sidekah-dekkahna i babo tanoh èn. Tapi, mungkin lot kalak oda sennang mula lot si kiurupi Kènè mengantusi Bibèl. Tapi, rogi kalohon ngo mula kesempaten lako dapetten kenggelluhen si makin mendè seggen ibelli bagi sambing.Jaka Peddah 29:25; Alamat 14:6, 7.