Vɛ mu yiibera wa

Vɛ mu yiibera ɓuwiza wa

Jehova Sɛnɛla

Boomu

Amuyɛɛ o paa ho hiro bee naa?

Amuyɛɛ o paa ho hiro bee naa?

Ho dimiɲan nɛ yɛ . . .

  • Maa desi mabio le?

  • Maa yaa aa poo bio le?

  • Maa binnii yerema aa wese le?

 AMUYƐƐ LI BIBLE BRA?

“Deeɓenu aa tii ɓa hiincaan wuree ɓa yira naa. Lo li hunmu ɓɛɛ hinnii— binnii ɛɛn, a yoo ma wɛsirobee ma tuara ɓɛɛ hinnii ɛɛn. Lo ho waa— yɛɛ beeraa ma li tuun yɛɛ beeraa aa tunnu.”—Jiimiilo 21:3, 4, Deeɓenu Nyuɓuarii Fiinnu bee, nɛ wa tua ma wɛɛrɛ torobee.

BUUN ZUUNNU CUNNU AMUYƐƐ UE SE?

Oo yi toonu nɛ se nɛɛ wɛɛ o siin.Isaïe 65:21-23.

Vannu ma tuara sira woo bɛɛ binnii yi o.Isaïe 25:8; 33:24.

Oo yi sii nɛ bɛɛ ve daamu, ma mii zuun sio ma o yira la.Psaume 37:11, 29.

 BIO LI BIBLE BRA WA LAA BUUN NA MAAYI LE?

Oo, bee ɲunreɲun tuan bee naa:

  • Se mi Deeɓenu see aa tiira mi ɲunlɛɛmaa ɲun. Li Bible yii, a Jehova Deeɓenu midee soo vo ma “beewuree seesoo,” bari li paa’a nyuu ɓɛɛ mana. (Jiimiilo 15:3) A buun naa, se mi li se a tii mi ɲunlɛɛma ɲun, a binnii yerema ho dimiɲan nɛ yɛ a ho wese. A oro bio li Bible maa bra la mu, “Deeɓenu ɓɛɛ hin dio woo naa.”Matiu 19:26.

  • Deeɓenu minian a tii mi ɲunlɛɛmaa ɲun. Bari, Jehova uanna a veeni ɓɛɛ huru mu.Job 14:14, 15.

Li Bible ɲan maa zeeni lo li Deeɓenu Yaro, Yesu we wia ba vaanvanna. Amuyɛɛ naa lo wo buun? Bari lo we ta bio. (Marka 1:40, 41) Yesu we minian a de ɓa nii nɛ ma’o we mi senilobee naa nuu naa, a ma buun sin lo we zeenian naa mii Maa co’o ma teete.Jan 14:9.

A buun naa wa laa maayi lo Jehova ma Yesu mimuse a de wa nuu naa, a wa yiraa hiro nɛ se!Psaumes 72:12-14; 145:16; 2 Piere 3:9.

 LEE’A DƐƐ

Amuyɛɛ Deeɓenu aa yeremana ho dimiɲan nɛ yɛ a hoo binnii wese la?

Li Bible maa nɛ buun canlobee so MATIU 6:9, 10 ma DANIEL 2:44 yii.