Vɛ mu yiibera wa

Vɛ mu yiibera ɓuwiza wa

Jehova Sɛnɛla

Boomu

Bɛ huru mu maa binnii ɛɛndɛɛ maayi le?

Bɛ huru mu maa binnii ɛɛndɛɛ maayi le?

Amuyɛɛ o woro?

  • oo

  • hee’e

  • muu sin

 AMUYƐƐ LI BIBLE BRA?

“Ɓa nii wuree nuhunmu aa vee.”Tuura Weemaa 24:15, Deeɓenu Nyuɓuarii Fiinnu bee, nɛ wa tua ma wɛɛrɛ torobee.

BUUN ZUUNNU CUNNU AMUYƐƐ UE SE?

O yi siin wɛɛnu a ba nii nɛ bee hee aa mu yi huru.2 Korɛntesio 1:3, 4.

O bɛ hinnii maa zan li hunmu.Hebrulaa 2:15.

O yi sinciirii lo o binnii mi ba nii nɛ bee hee aa mu.Jan 5:28, 29.

 BIO LI BIBLE BRA WA LAA BUUN NA MAAYI LE?

Oo, bee ɲunretiin tuan bee naa:

  • A Deeɓenu naa a wa midɛɛ. Li Bible lo a Jehova Deeɓenu wee nɛ ho sii ma mu vuunlobee ma bee woo bee ɓa nucozaa wuree naa. (Tuura Weemaa 17:24, 25; Psaume 36:9) Lɛɛ na ho sii mu danrobeera wuree naa, si’a mana bio lo ho daa veeni ɓaa nɛ huru mu.

  • Deeɓenu we veerio nucozaa tuan haare mayɛɛ. Li Bible zenian nucozaa ɲunre hotiin bee—nɛ veerio a ɛɛnna li tun wa—hanyira, nii’arani na, ma bra ma hanna. Tuan we huru mu bɛɛ mɛɛna, ni’ere we huan a yu wozooma beenaa!Jan 11:39-44.

  • Deeɓenu uanna a ɲan binnii veeni ba nuhuora. Jehova ɲiinna li hunmu; li hunmu a lo ze’uso. (1 Korɛntesio 15:26) Li uanna a yi see diin ze’uso wa, yaawe a li hunmu ɓɛɛ hinnii binnii ɛɛn. Deeɓenu uanna ma paa’a a veeni ɓa nii nɛ mi li ha’iri mu, a ɲan binnii mi ɓa a ɓa midɛɛ li tun wa.Job 14:14, 15.

 LEE’A DƐƐ

A weebee naa waa dan a ɲaan hi?

Li Bible maa nɛ buun canlobee so GENÈSE 3:17-19 ma ROMƐSIO 5:12 yii.