Skip to content

Skip to secondary menu

Skip to table of contents

Jehovah Otátohká'tohtaaniksi

Siksikáíitsi'powahsini

Noohkáyisstsiiwatsis Iihtsipáítapiiyoʼpa Kitáakitomaanistáípapitapiiyi

 ÍSSKSINIMÁʼTSTOHKSSINI 12

Tsá Áakánistohkottohtsiʼ­taamipaitapii­yaawa Kitsítapíímiksi?

Tsá Áakánistohkottohtsiʼ­taamipaitapii­yaawa Kitsítapíímiksi?

Áákomimmotsiiyssini ísstohkanaoʼtotamaʼpiiwa ááhkohtáíʼtaamaʼpsssaawa kitsitapííminnooniksi. Ephesians 5:33

Iihtsipáítapiiyoʼpa okákihtsimatsiiwa áwaatowaʼpistotoaiksi ááhkáíʼtokskammahsi óomoaawayi tsááhtaoʼ otohkíímaanoaawayi.

Amá nínaawa awáákomimmiiwa oppitáámi áakáíkkinaaʼpaistotoyiiwayi ki áakáíkimmiiwayi.

Amá aakííwa ki amá nínaawa áátowaʼpistotoaiksi áakáyisstsiiwatsiiyaawa.

Pookáíksi áakóóhkanistaiʼtoyiiyaawa ónnoaawayi ki oksísstoaawayi.

 Áaksikimmapiiyipitsioʼpa ki áaksstákaanaʼpssoʼpa, máátáakóksistotoayaawa ki máátáakáípsstsiksistotoayaawa áwaakomimmaiksi. Colossians 3:5, 8-10

Iihtsipáítapiiyoʼpa otsíʼpowahsini iitssínaiiʼpi amá nínaawa ááhkóóhkanistawaakomimmahsi oppitáámi niʼtóyi oistómi ki amá aakííwa ááhkóóhkaiyiniʼyimmahsi óomi.

Iihtsipáítapiiyoʼpa ííkáíkaiʼtsima matápiyi áátowaʼpistotoaiksi ááhkáípsstsiksístotootsiiyssaawa ki iikattáíkaiʼtsima nínaiksi ááhkawaakáóhkiimssaawa.

Jehovah otsíʼpowahsini áíssksinimaʼtsiyiiwa kitsitapííminnooniksi ááhkanistáíʼtaamaʼpssaawa.