Skip to content

Skip to secondary menu

Skip to table of contents

Jehovah Otátohká'tohtaaniksi

Siksikáíitsi'powahsini

Noohkáyisstsiiwatsis Iihtsipáítapiiyoʼpa Kitáakitomaanistáípapitapiiyi

 ÍSSKSINIMÁʼTSTOHKSSINI 5

Ómahkoʼkakoyiwa​—Takáá Iiyísstsiiyiwa? Takáá Máátsísstsiiyiwa?

Ómahkoʼkakoyiwa​—Takáá Iiyísstsiiyiwa? Takáá Máátsísstsiiyiwa?

Matápii omátohkanáókaʼpssiyaawa Noah otáíʼsaakiipaitapiiyssi. Genesis 6:5

Adam ki Eve ókoʼsoaawayi stámiitakáítapiyaawa annó ksááhkoyi. Máátsíístapisamowa, ámoksska naatoyítapiiksi iitsitsínssiyaawa Makáʼpatoʼsiwa otawáʼpimmahsaawa Iihtsipáítapiiyoʼpa.

Iitsáínnisooyaawa annó ksááhkoyi ki itoʼtákiyaawa matapíístomssini ki itsitáóhkiimiyaawa annóksi aakííksi. Ámoksska aakííksi okóʼsoaawayi máátsiitaʼpitapiyaawa, ómahkáítapiyaawa ki iikókaʼpssiyaawa ki ííksstonnátsoʼkaasiyaawa.

Stámohtohtoiʼtsiiwa ksááhkoyi matápii áístotsimiksi makáʼpiiwa. Naatóyssínaakssini iitssínaiiʼpa: “Nínaawa otokáʼpssini stámohtohtoiʼtsiiwa ksááhkoyi ki otokáʼpiiksímsstaanoaawaistsi ohtóʼtstsiihpi ósskitsípahpoaawayi áíkakáístotsimiaawa.”

 Noah iiyísstsiiwatsiiwa Iihtsipáítapiiyoʼpa ki iitáʼpistotsima anníhka ómahkááhkioohsaʼtsisi. Genesis 6:13, 14, 18, 19, 22

Noah iikááhsitapiwa, Jehovah áánistsiiwáyi otáakohtáánooksiksistotoahsi makáʼpitapiyi ómahkoʼkakoyiwa.

Iihtsipáítapiiyoʼpa mattánistsiiwa Noah ááhkaʼpistotakssi ómahkááhkioohsaʼtsisi otsitáakitsípsstsipoʼtoahsi otsítapíímiksi ki kanáómiaʼnistsitáíksowaʼpomaahkaiksi.

Noah ohtáíʼsskáániinapsskoyiiwa matápii anníhka ómahkoʼkakoyiwa, matápii máátsikákaʼpayisstsiiyaawa, stámsskitáíkkahsitapimmiiyaawa annáhka Noah, ki tókskammiksi stámsskitáíkaimmiiyaawa.

Otáíʼksistaʼpistotsiʼsoaawayi anníhka ómahkááhkioohsaʼtsisi, Noah iitsitsípsstsípoʼtoyiiwa ánniksska iitáíksowáʼpomaahkaiksi.