Skip to content

Skip to secondary menu

Skip to table of contents

Jehovah Otátohká'tohtaaniksi

Siksikáíitsi'powahsini

Noohkáyisstsiiwatsis Iihtsipáítapiiyoʼpa Kitáakitomaanistáípapitapiiyi

 ÍSSKSINIMÁʼTSTOHKSSINI 3

Tsá Nóóhkanistsiiwa Ipáítapiiyssini Anníhka Matsowáʼpiʼnssimaani?

Tsá Nóóhkanistsiiwa Ipáítapiiyssini Anníhka Matsowáʼpiʼnssimaani?

Jehovah kanáómiaʼnistssokaʼpiistsi ííhkotsiiwaiksi Adam ki Eve. Genesis 1:28

Jehovah áʼpistotoyiiwa matóómaakííwa Eve, ki íítohkotsííwayi Adam ááhkitohpokáópiimahsáyi.​—Genesis 2:21, 22.

Jehovah iihpáʼpistotoyiiwaiksi ááhkssoksístomssaawa ki ááhkáísoksskskaʼtakssaawa, máátáóhkonaʼsiyaawa.

Ookóówanoaawa niitsínihkatooʼpa Eden matsowáʼpiʼnssimaani, iihtssítokstsiiwa niítahtaanistsi ki oyʼssátaiksi miistsííksi ki iitáíksowaʼpomaahkaiksi.

Jehovah iitssitsípssatsiiwaiksi, issksínimaʼtsiiwaiksi, ikkamóóhksisstsiisaawa áakomaanistáípaitapiiyaawa anníhka matsowáʼpssksááhkoyi.

 Niʼtókskamma miistsísa Iihtsipáítapiiyoʼpa áánistsiiwaiksi ááhkssawohtsoyssawa. Genesis 2:16, 17

Jehovah áíʼstamáttsiyiiwa Adam ki Eve ámohka niʼtókskamma oyʼssátayi miistsísa ki iitanístsiiwaiksi ááhkssawohtsoyssaawa, ikkámohtsoyssaawa otáaksiʼnssaawa.

Ámohka niʼtókskamma naatoyítapiwa aʼpímmiiwa Iihtsipáítapiiyoʼpa. Stámiitokáʼpatoʼsiwa.

Makáʼpatoʼsiwa máátsstatsiiwa Adam ki Eve ááhkanistaiʼtoahsi Jehovah. Ohtsíssitapiiwa piksííksiinaawa ááhkohtááttsiistotoahsi Eve kiánnayi stámiitssáyiwa, áániiwa ikkámohtsoyisi ánnahka miistsísa otáakssawonawáíʼnssi, otáakiʼtomanistsissi Iihtsipáítapiiyoʼpa.​—Genesis 3:1-5.