Skip to content

Skip to secondary menu

Jehovah Otátohká'tohtaaniksi

Siksikáíitsi'powahsini

Tsá Áakánistohkottohtsiʼ­taamipaitapii­yaawa Kitsitapíímiksi?

Tsá Áakánistohkottohtsiʼ­taamipaitapii­yaawa Kitsitapíímiksi?

Kitánistsíksimsstaahpa ámostsska . . .

  • áakomimmotsiiyssini?

  • iihtáóhpommaoʼpa?

  • noohkíítsiiwa?

 NAATÓYSSÍNAAKSSINI IITSSÍNAIIʼPA

“Áíʼtaamssiyaawa áyisstsííwatoomiksi ki aanistáíʼtsimiksi Iihtsipáítapiyoʼpa otsíʼpowahsini!”​—Luke 11:28, New World Translation.

KITÁAKOHKOKKOOWA IKKÁMITÁÓMAIʼTAKIINIKI NAATÓYSSÍNAAKSSINI

Kitáakohkooniiʼpa niitáʼpáákomimmotsiiyssini.​—Ephesians 5:28, 29.

Ááhkáíniʼyimmotsiiyoʼsi.​—Ephesians 5:33.

Ááhksawattáípsstsiksistotootsiiyoʼsi.​—Mark 10:6-9.

 ÁAKSSTAOʼOHKOTTSÍÍTAʼPOMAIʼTSIIʼPA NIITÁNISTSSINAIIʼPI NAATÓYSSÍNAAKSSINI?

Áa, náátoʼkawa iitstsííwa áakohkottohtomaiʼtsiiʼpa:

  • Iihtsipáítapiiyoʼpa omatápaʼtstooma niitáípaitapiiyoʼpi. Naatóyssínaakssini iitssínaiiʼpa “matápiiksi . . . iihtsínihkaʼsimiyaawa” Iihtsipáítapiiyoʼpa Jehovah. (Ephesians 3:14, 15) Anistápanissina, Jehovah áʼpistotoyiiwa matápii. Máakoʼtamaʼpiiwa ááhkssksiniʼsi ámohka?

    Kááksskskaʼtsit: Takáá kitáakssopówahtsiʼsataawa ikkámsstáíniki kitááhkohkoissksiniʼsi niitánistsihkíítaatooʼpi kitáʼyaahsoowatooʼpi? Niʼtóóhkainakowa, kitáakssopówahtsiʼsataawa ánnahka iihkíítaatooma.

    Niʼtóyi, kitáakssopówahtsiʼsataawa Jehovah ááhkanistáíʼtaamipaitapiiyoʼsi, áʼpistotoyiiwa matápii.​—Genesis 2:18-24.

  • Iihtsipáítapiiyoʼpa iihtáíkiiwa kiistówa. Kitsitapííminnooniksi áakokákiyaawa ááhkaʼpáísskiiʼsaawa Jehovah otokákiiʼpowahsiistsi, Naatóyssínaakssini. Máakokákiaanaʼpiiwa? “Tská iihtáíkiiwa kiistówaawa.” (1 Peter 5:6, 7) Jehovah áísstakkiwa ááhkáísokopaooʼsi​—ki otokákiiʼpowahsiistsi iihtáísokaʼpáíssoʼpa!​—Proverbs 3:5, 6; Isaiah 48:17, 18.

 ÁMOISTSI ÍSSKSKAʼTSÍT

Tsá kitáakanistáísokotoiʼtsikatawa kóomi, kitohkíímaani, tsááhtaoʼ kokóʼsiiksi?

Naatóyssínaakssini iitáóyiʼtsima ámohka sopówahtsiʼssini EPHESIANS 5:1, 2 ki COLOSSIANS 3:18-21.