Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

 EMWI EWE NI RRE UWU ẸMWẸ ỌGHE OSANOBUA | JERIMAIA 51-52

Te Ẹmwẹ Ọghe Jehova Wa Mwẹ Amusẹ Vbene A Wa Ya Tae Zẹẹ

Te Ẹmwẹ Ọghe Jehova Wa Mwẹ Amusẹ Vbene A Wa Ya Tae Zẹẹ

E Jehova keghi tae yotọ zẹẹ, emwi nọ khian sunu vbe odaro

Ukọ nọ rre ẹguae Pẹsia nọ gua fi ifẹnmwẹ

“Wa ze ifẹnmwẹ uwa ukpẹ”

51:11, 28

  • Ivbi e Medis kevbe Ivbi e Pẹsia wa guẹ vbene a ya fi ifẹnmwẹ hẹ kevbe ẹre iran ghaa loo ya khọn okuo. Iran keghi kaa ukpẹ ifẹnmwẹ ọghe iran nọ mieke na sẹtin ba ye ọmwa uwu egbe vbe iran gha fi ẹre

“Avbe ivbiyokuo e Babilọn dobọọ igbinna yi nẹ”

51:30

  • Evba gbẹn ye okuta ọkpa na tiẹre Nabonidus Chronicle khare wẹẹ: “Ivbi iyokuo ọghe Sairọs keghi lae Babilọn vbene iran ma na gbinna.” Ọni nọ wẹẹ iran ma ka khọn hiehie a te khọnmiotọ yan e Babilọn, nọ rhiema wẹẹ ẹmwẹ akhasẹ ne Jerimaia tae yotọ gele wa mwẹ amusẹ

Okuta ọghe Nabonidus Chronicle

“Ẹvbo ni gha khian utete itowa [kevbe] ọ gha vbe gha yevbe ato ẹdẹdẹmwẹdẹ”

51:37, 62

  • Vbọ ghi rre ukpo 539 B.C.E., a ma ghi gha họn usi e Babilọn rre. Alexander Ne Ogidigan na te gha hoo ne ọ ya e Babilọn khian igiogbẹ ọghe arriọba ọghẹe sokpan, uwu udemwurri na wa gbe ẹre. Vbe orre nokaro, Ivbi e Ju eso ye gha rre Babilọn, ọni ẹre ọ siẹre ne ukọ e Pita na mu otuẹ gha khian. Sokpan vbe orre nogienẹ, e Babilọn na ghi khian otọ nọ gbẹvbi, a ma ghi miẹn ada e Babilọn do sẹ ẹdẹnẹrẹ

Vbọ khẹke nọ gha ye hẹ vbe ekhọe mwẹ, ne avbe ẹmwẹ akhasẹ ni rre uwu e Baibol na mwẹ amusẹ?

 

De emwi ne I gha sẹtin tama emwa ọvbehe vbekpa ẹmwẹ akhasẹ na?