Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

 UYINMWẸ ỌGHE IMA NE IVBIOTU E KRISTI

Vbene A Ya Guẹ Sayọ Vbe Iwinna Ikporhu—Ẹghẹ Nọ Khẹke Ne A Ya Dobọ E Baibol Na Gu Ọmwa Ruẹ Yi Deghẹ Ẹi Mwẹ Alaghodaro

Vbene A Ya Guẹ Sayọ Vbe Iwinna Ikporhu—Ẹghẹ Nọ Khẹke Ne A Ya Dobọ E Baibol Na Gu Ọmwa Ruẹ Yi Deghẹ Ẹi Mwẹ Alaghodaro

EVBỌZẸE NE Ọ NA RU EKPATAKI: Te emwa gha datie eni e Jehova, ne iran mieke na miẹn fan. (Rom 10:13, 14) Sokpan, ẹi re emwa hia ni kue na gu iran gha ruẹ e Baibol, ẹre ọ gele hoo ne iran gha lele uhi e Jehova. Ma keghi loo ẹghẹ ọghe ima ẹse vbe ima ghaa rre ikporhu, lekpae ne ima na ru iyobọ ne emwa ni gele hoo ne iran ru afiwerriẹ nọ khẹke vbe arrọọ ọghe iran, ne ọ gha ya ẹko rhiẹnrhiẹn e Jehova. Adeghẹ ọ kpẹẹ re ne ima ke gu ọmwa ruẹ e Baibol, sokpan ọmwa nii i mwẹ alaghodaro, ma dobọ iruẹmwi nii yi, ẹre ọ khian maan sẹ, ne ima mieke na loo ẹrhiọn ọghe ima ya ru iyobọ ne emwa ne Jehova si kẹ egbe, kevbe ne ọ viọ la otu ọghẹe. (Jọn 6:44) Sokpan, deghẹ ọmwa nii na ghi fiwerriẹ vbe odaro, ọ na vbe rhiẹre maan wẹẹ, ọmwa nọ mwẹ ẹkoata kevbe nọ hoo nọ gha mwẹ arrọọ etẹbitẹ ẹre irẹn khin, ma sẹtin werriegbe suẹn gha gu ẹre ruẹ emwi.—Iwinna 13:48.

VBENE A YA RUẸ HẸ:

  • Tian ọmwa ne u gu ruẹ emwi rhunmwuda ne ọ na hoo nọ gha mwẹ irẹnmwi nọ gbae.—1 Tim 2:4

  • Tama rẹn evbọzẹe ne ọ na khẹke ne ọ gha rhie emwi nọ ruẹ ye uyinmwẹ.—Luk 6:46-49

  • Uwa ghi fẹko ziro yan erre ọghe ọkemwiokọ ne Jesu zẹ, iyeke ọni, u ghi wẹẹ nọ roro kaan emwi eso nọ si ẹre ne ẹi na mwẹ alaghodaro.—Mat 13:18-23

  • U ghi ya ẹwaẹn khama rẹn emwi nọ si ẹre ne u khian na dobọ iruẹmwi nii yi

  • U ghi gi ẹre rẹn wẹẹ, u gha ye zẹdia gha rre do gha miẹn ọnrẹn, kevbe wẹẹ ẹkpotọ ye kie nẹẹn, nọ ya werriegbe suẹn gha ruẹ emwi vbe odaro deghẹ ọ na muegbe nọ ya rhie emwi nọ ruẹre ye uyinmwẹ

VBE A GHA GHI GHEE NENE VIDIO FO NẸ, A GHI ZẸ EWANNIẸN YE AVBE INỌTA NA:

  • De emwi nọ sunu vbe ẹghẹ ne ọtẹn ya gha gu ọmwa nọ gu ruẹ emwi ziro, nọ ghi rhiẹre ma wẹẹ, ọmwa nọ gu ruẹ emwi i zẹdẹ mwẹ alaghodaro vbe odẹ ọghe orhiọn?

  • De vbene ọtẹn na, ya ru iyobọ ne ọmwa nọ gu ruẹ emwi, ne ọ mieke na rẹn wẹẹ te ọ khẹke ne ọ ru afiwerriẹ eso vbe arrọọ ọghẹe?

  • De vbene ọtẹn na, ya gi ọmwa nọ gu ruẹ e Baibol rẹn wẹẹ, ẹkpotọ ye kie nẹẹn, nọ ya werriegbe suẹn gha ruẹ emwi vbe odaro deghẹ ọ na muegbe nọ ya rhie emwi nọ ruẹre ye uyinmwẹ?