Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Ayahọmwaehọ Ọghe Emwa Ni Rre

Ayahọmwaehọ Ọghe Emwa Ni Rre

AKPEHUAN GHA DE YE ẸDẸ E SATỌDE: Ẹghẹ na sako ga, ọre ẹdẹ ne akpehuan ọghe arriọba de fi ẹdẹ e Satọde. Ọ gha deyọ vberriọ, odun ẹmwẹ na, “Ya Iyẹn Nọ Maan Khọnmiotọ Yan Iyẹn Dan,” nọ te rre ẹdẹ e Satọde vbe avan, ghi deba emwamwa owiẹ vbe ẹdẹ e Fraide.

DEGHẸ U HOO NE U RU IYOBỌ Adeghẹ u hoo ne u ru iyobọ ye emwamwa asikoko na, lahọ gha rrie Information and Volunteer Service Department.

EHE NA TOTA YI Lahọ gha mwẹ amuroro daa emwa ọvbehe. Yerre wẹẹ, u sẹtin mu ehe na tota yi khẹ ẹgbẹe ruẹ, ra emwa ne uwa gba la imọto rre, ra emwa ne uwa gba rre owa, ra emwa ne uwa gu ruẹ e Baibol. Lahọ, ehe na tota yi, ne u ma mu khẹ ọmwa ọvbehe, ghẹ sẹ emwi rhọkpa rae yọ.

EVBỌ WIRI NA MIẸN RHIE Emwi ke emwi na miẹn rhie, a ghi rhie ẹre gha rhie ugha na. Adeghẹ u mu emwi fua, gha rrie ugha na, deghẹ u gha miẹn emwi ruẹ nọ wiri vba. A gha miẹn emọ ni wiri, a ghi rhie iran gha rrie ugha na. Lahọ gbaroghe ivbuẹ, ne etẹn ọvbehe ghẹ do gha miẹn ẹsọn rhunmwuda ọna.

FIRST AID Lahọ yerre wẹẹ, ọna keghi re ugha nọ ru iyobọ vbe emwi gha sunu vbe udomwurri.

IDINMWIAMẸ Avbe aga ni rre odaro ogiukpo, ẹre a mwamwa khẹ emwa ni khian dinmwiamẹ. Adeghẹ afiwerriẹ na gha rre ọna, a gha yae wewe. Ọ khẹke ne emwa ni khian dinmwiamẹ tota ye ako na, vbene ọta ọghe idinmwiamẹ ke suẹn, vbe owiẹ vbe ẹdẹ Satọde. Edọmwadẹ ọghẹe ghi rhie ukpọn na ya kaa egbe rre, kevbe ukpọn nọ khẹke na ya dinmwiamẹ.

IZỌHẸ Igho ọrhẹnrhẹn ẹre a loo ro ya ru emwamwa ughughan, ne Asikoko na mieke na fu uwa egbe, kevbe nọ ru iyobọ ne uwa ya sikẹ e Jehova sayọ. Usun emwi na loo igho yi ọre: aga, avbe emadogua ọghe amigbo kevbe vidio, kevbe emwi ọvbehe. Izọhẹ ne uwa ru, ẹre a loo ro ye ena hia, kevbe iwinna Arriọba ọvbehe ni khian vbe otagbọn hia. Avbe ẹkpẹti okozẹ ne u gha sẹtin loo, rre ehe nibun vbe ọgbẹlẹzẹ na. Deghẹ u hoo ne u ya intanẹt ru izọhẹ, gha rhie donate.jw.org. Ma wa gbọyẹmwẹ ye izọhẹ hia ne uwa ru. Ẹbu Nọ Su wa vbe gbọyẹmwẹ ye iyobọ ne uwa ru ye iwinna Arriọba.

UKỌ NI SU ỌMWA Ukọ ni su ọmwa ẹre a zẹ yọ ni gha ru iyobọ ne uwa. Lahọ, ku obọ gbe ba iran. Lele adia ne iran rhirhi rhie nuẹn, nọ dekaẹn ehe ne okotọ na kun sie, ehe ne emwa la lae asikoko kevbe ne iran la ladian, ehe na tota yi kevbe emwi ọvbehe vberriọ.

Ne Ẹbu Nọ Su Ọghe Avbe Osẹe Jehova Mwamwaẹn

© 2024 Watch Tower Bible and Tract Society of Pennsylvania