Gberra gha rhie uhunta

Usẹ Gha Fo Ẹdẹ Ra?

Usẹ Gha Fo Ẹdẹ Ra?

U gha kha wẹẹ . . .

  • ẹẹn ra?

  • ẹn o ra?

  • ughaghe ra?

 EMWI NE BAIBOL KHARE

“Osanobua . . . gha khiẹn ameve hia hin aro iran rre. Uwu i khian ghi gha rrọọ, ra usẹ, ra eve, ra obalọ.”—Arhie Maan 21:3, 4, Contemporary English Version.

ODẸ NẸ IYAYI NA KHIAN YA RU IYOBỌ NUẸ

Ọ gha ya ruẹ gha mwẹ ilẹkẹtin wẹẹ, ẹi re Osanobua ẹre ọ si ọlọghọmwa ọghomwa.—Jems 1:13.

U gha miẹn ifuẹko vbe u gha ghi rẹn wẹẹ, Osanobua mu ẹmwẹ ima roro vbe ima ghaa susẹ.—Zẹkaraia 2:8.

Ọ gha ya ruẹ gha mwẹ ayayẹro wẹẹ, usẹ hia gha sẹ ufomwẹ.—Psalm 37:9-11.

 MA GHA SẸTIN GELE YAEYI EMWI NE BAIBOL KHARE RA?

Ẹẹn, rhunmwuda emwi eva:

  • Osanobua i ghọghọ vbe emwa ghaa susẹ ra vbe iran ghaa werriẹ aro daa uyinmwẹ agbọmwa ekueku. Muẹn roro vbene ekhọe Osanobua ne Jehova ghaa ye hẹ vbe ẹghẹ ne a na gha ya obọ atosi mu emwa rẹn vbe ẹghẹ nẹdẹ. E Baibol khare wẹẹ, te ọ wa gha da Osanobua vbe orhiọn, vbe ọ bẹghe “vbene emwa ya gha wiẹn iran hẹ.”—Giọgis 2:18, New World Translation.

    Osanobua keghi mu ohu emwa ni rhie ikuanegbe ne emwa ọvbehe. Vbe igiemwi, e Baibol khare wẹẹ, ‘avbe obọ nọ da esagiẹn ọmwa nọ ma rẹn ọkpa ma rẹn eva’ keghi sọnnọ rẹn.—Itan 6:16, 17.

  • Osanobua keghi gbaroghe dọmwadọghẹ vbuwe ima. Ẹmwata nọ wẹẹ, dọmwadọghẹ vbuwe ima rẹn “emwi nọ da ẹre [vbe] egbe,” sokpan, e Jehova vbe rẹn emwi nọ da edọmwadẹ ima vbe egbe!2 Krọnikol 6:29, 30.

    Lekpae arriọba ọghẹe rre, e Jehova gha rherhe rhie ufomwẹ ye usẹ ọghe dọmwadọghẹ. (Matiu 6:9, 10) Vbe ẹghẹ na ye na, ọ rhie ifuẹko ne iran ni ya ẹkoata gualọ irẹn.—Iwinna 17:27; 2 Kọrinti 1:3, 4.

 EMWI NỌ KHẸKE NE U MU RORO

Vbọsiẹ ne Osanobua na kue, ne usẹ gha rrọọ?

E Baibol rhie ewanniẹn ye inọta nii vbe ebe ROM 5:12 kevbe 2 PITA 3:9.