Gberra gha rhie uhunta

Vbọzẹe Ne Avbe Osẹe Jehova I Na Loo Ugbugbe Vbe Ugamwẹ Ọghe Iran?

Emwa nibun keghi ghee ama ugbugbe zẹvbe ama na ya rẹn Ivbiotu e Kristi. Agharhemiẹn wẹẹ, Ivbiotu e Kristi ẹre avbe Osẹe Jehova khin, iran i loo ama ugbugbe vbe ugamwẹ ọghe iran. Vbọzẹe ne iran i na loo ẹre?

Ọkpa vbe usun emwi nọ si ẹre ọre wẹẹ, e Baibol ma kha wẹẹ, te a kaẹn Jesu mu ugbugbe, sokpan erhan ẹre a kan rẹn yi. Deba ọni, e Baibol wẹẹ ne Ivbiotu e Kristi gha “lẹẹ ne ẹbọ na ga”, ọna rhiema wẹẹ ọ ma khẹke ne a gha loo ugbugbe ya ga Osanobua.—1 Kọrinti 10:14; 1 Jọn 5:21.

Jesu khare wẹẹ: “Adeghẹ wa hoẹmwẹ egbe, ọre emwa hia gha na rẹn wẹẹ erhuanegbe mwẹ ọre uwa khin.” (Jọn 13:34, 35) Ẹmwẹ ne Jesu tae na rhiẹre ma wẹẹ, ahoẹmwọmwa ọre ama na khian ya rẹn erhuanegbe ọghẹe, ẹre ugbugbe ra avbe amazẹ ughughan.