Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 EMWI EWE NI RRE UWU ẸMWẸ ỌGHE OSANOBUA | JỌN 7-8

Jesu Keghi Rhie Uyi Ne Erhae

Jesu Keghi Rhie Uyi Ne Erhae

7:15-18, 28, 29; 8:29

Ẹghẹ hia ẹre Jesu wa ya gha rhie uyi gie Erhae nọ rre ẹrinmwi lekpae ẹmwẹ ne ọ ta kevbe emwi ne ọ ru. Te Jesu ghaa hoo ne emwa rẹn wẹẹ, obọ Osanobua ẹre emwi ne irẹn maa emwa re ke rre. Rhunmwuda ọni, ẹmwẹ nọ rre Ebe Nọhuanrẹn ẹre ọ ya gha maa emwa emwi, ọni ẹre ọ si ẹre ne ọ na gha sunu yọ vbe ẹghẹ hia. Ẹghẹ ke ẹghẹ ne emwa ya tian rẹn, Jesu ghi rhie etian nii gie Jehova. Iwinna ne Jehova mu nẹẹn ẹre irẹn wa mu ye okaro vbe arrọọ ọghẹe.—Jọn 17:4.

De vbene ima khian ya yegbe tae Jesu hẹ vbe . . .

  • ima ghaa gu ọmwa ruẹ e Baibol ra vbe ima ghaa ya ọta guan vbe ogiukpo?

  • emwa ọvbehe gha tian ima?

  • odẹ ne ima ya loo ẹghẹ ọghe ima?