Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 EMWI EWE NI RRE UWU ẸMWẸ ỌGHE OSANOBUA | JỌN 5-6

Ya Ekhọe Hia Lele Jesu Ẹi Re Rhunmwuda Ere Ne U Khian Miẹn Vbọ

Ya Ekhọe Hia Lele Jesu Ẹi Re Rhunmwuda Ere Ne U Khian Miẹn Vbọ

6:9-11, 25-27, 54, 66-69

Vbe Jesu ghi zẹ erre ọkpa nọ ghaa lọghọ erhuanegbe ẹre na rẹn otọre, ẹmwẹ nii keghi sọnọ iran nibun sẹrriọ wẹẹ, iran na mu ohu kpa sẹ Jesu rae. Na kha na, a tie ẹre nodẹ ne Jesu rhie evbare ne iran vbe odẹ ọghe ọyunnuan. Emwi ọyunnuan na ne Jesu ru, te sosẹ yọ wẹẹ ẹtin Osanobua ẹre ọ ghaa loo. Vbọ ghi rhua iran owẹ, ne iran na kpa? Ọ gha kẹ, ere ne iran ghaa miẹn vbe obọ Jesu ẹre ọ ya iran gha lelẹe. Iran yayi wẹẹ iran ghaa lele Jesu khian, ọ gha kpemehe emwi ikpakpa ne iran gualọ ne iran.

Ọ khẹke ne dọmwadẹ ima nọ egbe ẹre wẹẹ: ‘Vbọ ya mwẹ lele Jesu khian? Rhunmwuda ere ne I miẹn nia kevbe ne I khian miẹn vbe odaro, ẹre I na lele ẹre ra? Ra rhunmwuda wẹẹ I hoẹmwẹ e Jehova kevbe wẹẹ I hoo ne I ya ẹko rhiẹnrhiẹn ọnrẹn ẹre nọ?’

Vbọsiẹ ne ima gha na sẹtin rhua owẹ vbe ugamwẹ ọghe Jehova deghẹ emwi nọ mobọ ya ima ga e Jehova ọre:

  • rhunmwuda ne ọ na yẹẹ ima ne ima gha gu emwa ọghe Osanobua muobọ?

  • rhunmwuda wẹẹ ima hoo ne ima gha rre Paradais?