Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ OGHE IMA NE IVBIOTU E KRISTI

Vbọsiẹ Ne U Na Ya Aro Nọ Ghaan Ghee Ugamwẹ Ẹmwata?

Vbọsiẹ Ne U Na Ya Aro Nọ Ghaan Ghee Ugamwẹ Ẹmwata?

Umian ọghe ọgua Osa ne Ezikiẹl miẹn keghi rhie igiọdu ne Ivbi e Ju ni ghaa rre imu wẹẹ a gha dọlegbe mu ugamwẹ ẹmwata gbọ. Vbe ẹghẹ okiekie ẹdẹ ne ima ye na, te ugamwẹ ẹmwata ghi khian na bọ yan “uhunmwu oke ne ọ yo sẹẹ ehia,” kevbe wẹẹ ima keghi rre usun emwa ni ke ẹvbo ughughan bi la rọ. (Aiz 2:2) Uwẹ ghee ẹre vbe ẹghẹ hia wẹẹ ukpamuyọmọ ẹre nọ, ne u na rẹn e Jehova kevbe ne u na vbe gae ra?

AFIANGBE NA MIẸN VBE UGAMWẸ ẸMWATA:

  • Evbare orhiọn ne wọrhọwọrhọ ne ọ ya ima rẹn ewanniẹn ọghe avbe inọta ne kpataki nọ dekaan arrọọ, avbe ilele ọghe Baibol ne ima ya ru emwi, kevbe ayayẹro ne ima mwẹ.—Aiz 48:​17, 18; 65:13; Rom 15:4

  • Ma keghi re ọkpa vbe ẹgbẹe ni koko ga e Jehova.—Psm 133:1; Jọn 13:⁠35

  • Ukpamuyọmọ ne ima mwẹ ọghe na ya deba e Jehova winna iwinna nọ ya ọmwa sọyẹnmwẹ.—Iwinna 20:35; 1 Kọr 3:9

  • “Ọfunmwegbe Osanobua” nọ rhie ẹtin ne ima vbe ima gha rre uwu ibavbaro.—Fil 4:6, 7

  • Ekhọe ọguọmwaziro nọ hianrẹn.—2 Tim 1:3

  • Asikẹgbe ne khuankhuankhuan ne ima gu e Jehova mwẹ.—Psm 25:⁠14

De odẹ eso ne I khian ya rhiẹre ma wẹẹ I ya aro nọ ghaan ghee ugamwẹ ẹmwata?