Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Vbene Ima Khian Ya Gha Re Ọmwa Nọ Fuẹro Vbe Baibol Na Ruẹ Ne Egbe Ọmwa

Vbene Ima Khian Ya Gha Re Ọmwa Nọ Fuẹro Vbe Baibol Na Ruẹ Ne Egbe Ọmwa

Uwẹ gha hoo ne u da imudiase ọghuẹ yi vbuwe ọlọghọmwa vbene Daniẹl ru ẹre ra? E Daniẹl keghi ya ifuẹro ruẹ vbekpae Ẹmwẹ Ọghe Osanobua, uhiẹn ya sẹ egbe ẹmwẹ akhasẹ ni dinmwi. (Dan 9:2) U gha sẹtin da imudiase ọghuẹ yi deghẹ u na ya ifuẹro gha ruẹ e Baibol ne egbuẹ. Odẹ vbo? Ọ gha ya ruẹ gha mwẹ ilẹkẹtin wẹẹ eyan ọghe Jehova hia gha mwẹ amusẹ. (Jọs 23:14) Ọ gha vbe ya ruẹ hoẹmwẹ Osanobua sayọ; ọna gha gua ruẹ kpa ne u ya gha ru emwi esi. (Psm 97:10) Sokpan de vbene u khian ya suẹn hẹ? Gia guan kaan azẹvbiro eso.

  • De emwi ne I khian ruẹ vbekpa re? Iko na muegbe ẹre keghi re abọ ọkpa vbe Baibol na ruẹ ne egbe ọmwa. U gha wa miẹn ere nọkhua vbọ deghẹ u na gha ru ezanzan ye uhunmwu ẹmwẹ eso ni rre Baibol na tie vbe iko. Vbe deba ọni, emwa eso keghi ruẹ sayọ vbekpae ẹmwẹ akhasẹ ni rre uwu e Baibol, ikpẹ ọghe orhiọn nọhuanrẹn, iwinna ikporhu iyẹn nọ maan ọghe ukọ e Pọl, ra evbayi ọghe Jehova na zaromiẹn. Adeghẹ ẹmwẹ eso rrọọ ne u ma rẹn otọre vbe Baibol, gbẹn ọnrẹn yotọ ne u mieke na ruẹ vbekpa re.

  • De ehe ne I khian na miẹn ayahọmwaehọ eso? U gha hoo ne u miẹn azẹvbiro eso, ghee ne vidio Emadogua Na Ya Ru Ezanzan Ye Emwi Ewe Ọghe Orhiọn. Ne u ya rẹn vbene u rẹn e Baibol sẹ hẹ, ru ezanzan ye avbe ẹtin ọgbagbọn ne avbe aranmwẹ oha na sunu yi vbe ebe Daniẹl uhunmwu ẹnrẹn 7 mu ukhọmwẹ ọnrẹn.

  • Inu ẹghẹ ẹre ọ khẹke ne I loo ya ruẹ ne egbe mwẹ? E Baibol na ruẹ ne egbe ọmwa vbe ẹghẹ hia ẹre ọ ya ọmwa wegbe vbe odẹ ọghe orhiọn. U gha da suẹn, u sẹtin gha loo ẹghẹ kherhe, sokpan vbene ẹghẹ ya khian, u ghi do gha loo ẹghẹ nọ taẹn. Te Baibol na ruẹ ne egbe ọmwa yevbe ọmwa nọ gualọ emwi ewe ni lẹre; vbene u ya miẹn emwi ewe nibun, erriọ u ya hoo ne u gualọ nibun sayọ! (Itan 2:3-6) Ẹghẹ hia ẹre u khian ghi ya gha hoo ne u ruẹ Ẹmwẹ Ọghe Osanobua sayọ.—1 Pit 2:2.

DE EMWI NE AVBE ARANMWẸ OHA NA SUNU YI VBE EBE DANIẸL 7 MU UKHỌMWẸ ỌNRẸN?

  • Dan 7:4

  • Dan 7:5

  • Dan 7:6

  • Dan 7:7

INỌTA ỌVBEHE:

De vbene Daniẹl 7:​8, 24 ya mwẹ amusẹ hẹ?

EMWI NE U KHIAN RUẸ VBEKPA RE VBE ẸDẸ ỌVBEHE:

De emwi ne avbe aranmwẹ oha na sunu yi vbe ebe Arhie Maan uhunmwu ẹnrẹn 13 mu ukhọmwẹ ọnrẹn?