Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

“Evba Mwẹ Na Ya Ru Izọhẹ Gie Jehova”

“Evba Mwẹ Na Ya Ru Izọhẹ Gie Jehova”

De vbene ima khian ya ‘loo emwi ne ima mwẹ ya ru izọhẹ gie Jehova vbe ẹdẹnẹrẹ’? (1 Krọ 29:5, 9, 14) Odẹ ughughan ne ima gha ya sẹtin ru iyobọ igho ye iwinna ọghe Avbe Osẹe Jehova nọ khian vbe ẹvbo ima kevbe uhunmwu otagbọn hia, rre ototọ mwa.

IYOBỌ IGHO NA RU VBE INTANẸT, RA IGHO NA RHIE YE ẸKPẸTI OKOZẸ KEGHI YẸRIKE IGHẸ:

  • IWINNA ARRIỌBA NỌ KHIAN VBE UHUNMWU OTAGBỌN HIA

    igho ẹre a ya bọlọ avbe abotu kevbe owa ne a na winna iwinna izedu, igho ẹre a vbe loo vba, ne emwi hia mieke na gha khian hẹnẹhẹnẹ

    owebe ughughan ne otu ọghe Jehova mwamwa

    etẹn ni rre iwinna ugamwẹ ẹghẹ hia ne kpataki

    iyobọ na ru ne etẹn ne oguomiẹrẹ sunu daa

    ebe ọghomwa na print, e vidio ughughan na ru ladian kevbe avbe ebe ọghomwa na mu ye intanẹt

  • EVBA LOO IGHO YI VBE IKO

    usun emwi na loo igho yi vbe iko, vbe na ghee Ọgua Arriọba na dọlọ yi, igho na hae ye ukpa, na ya dẹ e fuẹl kevbe emwi ọvbehe vberriọ

    igho ne etẹn kueyi wẹẹ iran khian gha hae gie abotu:

    • na khian gha loo ya bọlọ avbe Ọgua Arriọba kevbe Ọgua Asikoko vbe uhunmwu otagbọn hia

    • ne otu khian gha zẹkọ ai rẹn deghẹ evba ma hoo a ma kọ na sunu (ọni ọre Global Assistance Arrangement)

    • na khian gha loo ye iwinna ọvbehe nọ khian vbe uhunmwu otagbọn hia

AVBE ASIKOKO NỌKHUA KEVBE NEKHERHE

A keghi hae igho na miẹn vbe aza ọghe asikoko nọkhua gie abotu, na ya ru iyobọ ye iwinna nọ khian vbe uhunmwu otagbọn hia. Vbuwe igho na, ẹre a na miẹn igho na loo ya ru emwamwa asikoko odin, asikoko nọkhua ne kpataki kevbe asikoko ọgbagbọn.

Igho na miẹn vbe aza ọghe asikoko nekherhe, ẹre a loo ya dọlọ avbe Ọgua Asikoko yi, ẹre a vbe ya ru emwamwa asikoko nekherhe; vbe ẹvbo ne Ọgua Asikoko i ye, igho na ẹre a ya mu owa na khian loo ya do asikoko. Emwi ọvbehe gha vbe de rre vbe otako na khian loo igho yi, igho na ẹre a vbe loo. Adeghẹ igho rhọkpa na kẹ rre vbe aza na, a sẹtin ha re gie abotu, na ya ru iyobọ ye iwinna nọ khian vbe uhunmwu otagbọn hia.