Etẹn gha loo ẹre ya kporhu vbe Georgia ighẹ ne ẹbu ẹmu Oghọghọ Ẹgbẹe

EBE IWINNA NA LOO VBE NE IKO–UYINMWẸ KEVBE IWINNA ỌGHE IMA NE IVBIOTU E KRISTI November 2017

Vbene A Khian Ya Rhiẹre Ladian Hẹ

Vbene a khian ya rhie Watchtower ladian hẹ kevbe vbene a khian ya gi emwa rẹn ẹmwata vbekpa eni ọghe Osanobua hẹ. Loo avbe igiemwi na, ya mwamwa ẹmwẹ obọ ruẹ ne u khian ta ya rhiẹre ladian.

EMWI EWE NI RRE UWU ẸMWẸ ỌGHE OSANOBUA

‘Gualọ E Jehova Ne U Mieke Na Gha Rrọọ’

Vbe a yae kha deghẹ a na wẹẹ na gualọ e Jehova? De emwi ne ima gha sẹtin miẹn ruẹ vbe emwi nọ sunu daa Ivbi Izrẹl ni ma gualọ e Jehova?

UYINMWẸ ỌGHE IMA NE IVBIOTU E KRISTI

Vbene A Ya Guẹ Sayọ Vbe Iwinna Ikporhu—Gha Mu Otuẹ Gie Ọmwa Ne U Kporhu Ma

De emwi nọ khian ya atuẹ werriegbe ọghuẹ biẹ ọmọ esi? Gha gbe amẹ khakha ikpẹ ẹmwata ne u kọ ye ekhọe ọ yan owa kevbe ne u kọe ye ekhọe evbọzẹ ne u na werriegbe mu otuẹ gie ẹre.

EMWI EWE NI RRE UWU ẸMWẸ ỌGHE OSANOBUA

Gi Abakuru Ọghuẹ Rhie Ẹwaẹn Nuẹ

Okha ọghe Jona gima rẹn wẹẹ egbe ima i wọọ e Jehova vbe ima gha ru abakuru. Vbọrhirhighayehẹ, irẹn hoo ne ima miẹn ẹwaẹn vbe abakuru ne ima rhirhi ru.

UYINMWẸ ỌGHE IMA NE IVBIOTU E KRISTI

Evba Miẹn Ruẹ Vbe Ebe Jona

Ma gha mu okha ọghe Jona roro, ọ gha ru iyobọ ne ima ya zin egbe deghẹ emwi ne ima yaro yi ma na sẹ ima obọ, ọ gha ru iyobọ ne ima, ne ima gha ya aro nọ maan ghee emwa ni rre ẹdogbo ne ima kporhu; ọ gha vbe rhie ifuẹko ne ima lekpae erhunmwu ne a na.

EMWI EWE NI RRE UWU ẸMWẸ ỌGHE OSANOBUA

De Emwi Ne Jehova Gualọ Vbe Obọ Ima?

De vbene ugamwẹ ọghe ima ya dekaan asikẹgbe ne ima gu etẹn ne ima gba ga mwẹ?

EMWI EWE NI RRE UWU ẸMWẸ ỌGHE OSANOBUA

Gha Begbe Kevbe Ne U Gha Zọghae Vbe Odẹ Ọghe Orhiọn

Egbọre, emwa sẹtin gha roro ẹre wẹẹ Ivbi e Babilọn i khian sẹtin guọghọ e Juda rua. Vbọrhirhighayehẹ, te ẹmwẹ akhasẹ ọghe Osanobua khian ye mwẹ amusẹ, ọni ẹre ọ si ẹre ne ọ na khẹke ne Habakọk gha begbe kevbe nọ gha zọghae vbe odẹ ọghe orhiọn.

UYINMWẸ ỌGHE IMA NE IVBIOTU E KRISTI

Gha Begbe Kevbe Ne U Gha Zọghae Vbe Odẹ Ọghe Orhiọn Vbe Afiwerriẹ Rhọkpa Gha Rhiegbe Maa Vbe Arrọọ Ruẹ

Adeghẹ afiwerriẹ khian si edogbandogban eso ye ugamwẹ ne ima rhie ne Jehova, de emwi nọ khian ru iyobọ ne ima, ne ima ye gha zọghae vbe odẹ ọghe orhion?