Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Vbene A Khian Ya Loo Ẹre Hẹ Ighẹ Ne Ebe What Can The Bible Teach Us?

Vbene A Khian Ya Loo Ẹre Hẹ Ighẹ Ne Ebe What Can The Bible Teach Us?

Ne ebe Teach Us kevbe Bible Teach khọ egbe. Emwi ọkpa ẹre ọ rre uwu ebe eveva na nọ re emadogua ne ima ya ma emwa ẹmwata. Vbọrhirhighayehẹ, odẹ na ya mwamwa ne ebe Teach Us kevbe ẹmwẹ na loo ro vbọ ẹre ọ khuẹrhẹ sẹ. Rhunmwuda emwa ne Bible Teach lọghọ iran na rẹn otọre ẹre a gu gbẹn ebe na. Nọ gha te ya gha mwẹ orriete, ne ebe Teach Us keghi mwẹ ifiẹmwẹ ni rre ufomwẹ ebe nọ rhaan otọ ẹmwẹ eso na guan kaan vbe ne uhunmwuta. Avbe uhunmwu ebe ni rrọọ i mwẹ inọta ọghe omuso ra ẹkpẹtin inọta ọghe ogbewerriẹ. Sokpan ufomwẹ ọghe dọmwadẹ uhunmwuta ni rrọọ keghi mwẹ ogbewerriẹ ọghe ẹmwata eso na rhaan otọre vbe nene uhunmwuta. Vbene Bible Teach vbe ye, a sẹtin rhie ebe na ne ọmwa vbe ẹghẹ ke ẹghẹ, ọ gha khọnrẹn wẹẹ ẹi te re ebe na khian ya winna vbe uki nii. De vbene a khian ya loo ẹre hẹ ighẹ abọ ughughan ni rre ne ebe Teach Us vbe a gha yae gu ọmwa ruẹ e Baibol?

SUMMARY (OGBEWERRIẸ): Obẹlẹ ne ima mobọ ya loo e ne ebe Bible Teach ya ma emwa emwi, ọghe wẹẹ a ghi tie ne okhuẹn kevbe a ghi vbe nọ ọta yọ, wa maan ne emwa nibun. Sokpan, deghẹ ẹmwẹ eso na loo ro vbe uhunmwuta nii na wegbe gbe ne ọmwa na gu ruẹ e Baibol ra deghẹ ẹi gua tie ebe ẹse, a sẹtin loo e ne ebe Teach Us. Ẹghẹ nii a sẹtin loo ogbewerriẹ ọghe ne uhunmwuta ya guẹ ruẹ emwi, kevbe a sẹtin tama rẹn nọ tie uhunmwuta nii ne egbe ẹre. Ọ mobọ sẹ ifuanro 15 na loo ya gu ọmwa ruẹ ọkpa vbe ẹmwata nọ rre dọmwadẹ uhunmwuta. Ugbẹnvbe a miẹn wẹẹ ẹi re emwi hia na rhaan otọre vbe uhunmwuta ẹre ọ wa rre ogbewerriẹ, ọ khẹke ne ọtẹn muegbe yotọ ẹse nọ mieke na rẹn emwi nọ gha ru iyobọ ne ọmwa nọ gu ruẹ e Baibol. Adeghẹ uhunmwuta nọ rrọọ ẹre ọtẹn khian gu ọmwa ruẹ, ọ ghi loo ogbewerriẹ nọ rrọọ ya gbẹrọrriẹ ighe emwi ne iran ruẹre.

ENDNOTES (IFIẸMWẸ NI RRE UFOMWẸ EBE): A keghi mwamwa ifiẹmwẹ ni rre ufomwẹ ebe zẹvbe nọ ya lele egbe vbe nene uhunmwuta. Ọtẹn sẹtin zọe vbe iro nọ gu ọmwa nọ gu ruẹ e Baibol ziro yan ifiẹmwẹ ni rre ufomwẹ ne ebe Teach Us vbe iran gha ruẹ emwi.