Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 EMWI EWE NI RRE UWU ẸMWẸ ỌGHE OSANOBUA | 2 KỌRINTI 7-10

Iwinna Ọghe Iyobọ Na Ru Ne Etẹn Ni Rre Uwu Ọlọghọmwa

Iwinna Ọghe Iyobọ Na Ru Ne Etẹn Ni Rre Uwu Ọlọghọmwa

8:1-4; 9:7

Ma ne Ivbiotu e Kristi keghi mwẹ iwinna eva na mu ne ima. Nokaro, ma ‘ru iyobọ ne emwa ya khian ọsie Osanobua’ lekpae iwinna ikporhu iyẹn nọ maan kevbe ne ima na maa emwa emwi. Nogieva, ma ru “iyobọ” ne etẹn ne ima gba ga ni rre uwu ọlọghọmwa. (2 Kọr 5:18-20; 8:4) Rhunmwuda ọni, iyobọ ne ima ru ne etẹn ni rre uwu ọlọghọmwa keghi re abọ ọkpa vbe ugamwẹ nọhuanrẹn ne ima rhie ne Osanobua. Adeghẹ ima na gha mwẹ obọ vbe iwinna na, ọ rhiema wẹẹ, te ima

  • kpemehe emwi ne etẹn ima gualọ.—2 Kọr 9:12a

  • ru iyobọ ne etẹn ni rre uwu ibavbaro, ne iran mieke na dọlegbe suẹn gha yo iko, ne iran gha zọghae vbe ikporhu, ne iran vbe gha ruẹ e Baibol ne egbe iran; ena hia gha rhiẹre ma wẹẹ iran gbọyẹmwẹ ye ẹse ne Jehova ru ne iran.—2 Kọr 9:12b

  • rhie uyi gie Jehova. (2 Kọr 9:13) Iyobọ ne ima ru ne etẹn ni rre uwu ọlọghọmwa keghi re odẹ ọkpa ne ima ya kporhu ma emwa hia, ya sẹ egbe emwa ni te ya aro dan ghee Avbe Osẹe Jehova