Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Gha Loo E Vidio Ya Maa Emwa Ne U Gu Ruẹ E Baibol Emwi

Gha Loo E Vidio Ya Maa Emwa Ne U Gu Ruẹ E Baibol Emwi

Adeghẹ ima na gha loo avbe efoto kevbe isama vbe ima ghaa maa emwa emwi, ọ gha ya emwa ne ima maa re emwi rherhe rẹn otọ emwi ne ima maa iran re, iran i khian vbe mianmiaẹn. E Jehova nọ re Ọmamwaemwi Nọ Sẹre vbe loo emwi na zaro miẹn ya maa emwa emwi ne kpataki. (Gẹn 15:5; Jer 18:1-6) Erriọ Jesu nọ re Ọmamwaemwi Nọkhua vbe ru ẹre. (Mat 18:2-6; 22:19-21) E vidio keghi re ọkpa vbe usun emwi na zaro miẹn ne ima ya maa emwa emwi, nọ wa ru iyobọ ne emwa. Uwẹ loo e vidio vbe uwẹ ghaa maa emwa ne u gu ruẹ e Baibol emwi ra?

E vidio igbe ẹre a wa ru ladian, na gha loo vbe a ghaa gu ọmwa ruẹ ne ebe ẹmu Iyẹn Nọma nọ ke Obọ Osanobua Rre! Uhunmwuta ọghe dọmwade vidio ẹre ọ vbe re inọta eso na gbẹnnẹ gbodoo vbe dọmwadẹ iruẹmwi. Ebe ẹmu na nọ rre jw.org® keghi mwẹ e link na ya ghee dọmwade vidio nọ guan kaan uhunmwuta nii. Deba ọni, e vidio nibun vbe rrọọ, na gha sẹtin vbe loo, vbe a ghaa loo ebe ughughan ne ima ya maa emwa emwi.

Uhunmwuta nọ gha lọghọ ne ọmwa ne u gu ruẹ emwi rẹn otọre, ẹre uwa guan kaan ra? Ra ọmwa ne u gu ruẹ emwi wa mwẹ edanmwẹ ọkpa nọ werriẹ aro daa? Gha rrie jw.org® kevbe JW Broadcasting®, ne u gualọ e vidio ọkpa ne ọ gha ru iyobọ nẹẹn. Uwẹ vbe ọmwa ne u gu ruẹ e Baibol sẹtin ghee nene vidio kugbe, uwa ghi vbe ziro yan rẹn.

Uki uki ẹre a ya ru e vidio ughughan ladian. Zẹvbe ne u ya ghee avbe vidio na, u ghi gha muẹn roro vbene u gha ya sẹtin loo ẹre ya maa emwa ọvbehe emwi hẹ.