Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

E Lẹta Na Ya Ru Igiemwi

E Lẹta Na Ya Ru Igiemwi
  • Loo adrrẹsi ọghe obọ ruẹ. Adeghẹ u ma hoo ne u loo adrrẹsi ọghe obọ ruẹ, u sẹtin loo adrrẹsi ọghe Ọgua Arriọba deghẹ ediọn ni rre iko ruẹ na kpasẹ yọ ne u loo ẹre. Vbọrhirhighayehẹ, GHẸ loo adrrẹsi ọghe abotu.

  • Sunu ye eni ọghe ọmwa ne u khian gbẹn nene lẹta gie, deghẹ u rẹn eni ẹnrẹn, ne ọmwa nii ghẹ do gha roro ẹre wẹẹ ọduẹki ẹre u khin.

  • Gi edọmwadẹ ifiẹmwẹ ne u gbẹn gha re nọ gbae, ghẹ gi abakuru rhọkpa gha rrọọ. Ọ khẹke ne nene lẹta gha mose, ẹi re nọ ye pirhipirhi. Adeghẹ obọ ẹre u ya gbẹn ọnrẹn, ọ ghi gha re nọ gha gia tie. Ghẹ loo ẹmwẹ nọ wegbe gbe, ghẹ gi ẹre vbe yevbe na miẹn wẹẹ te u rhẹghẹrẹ.

Obẹlẹ na guan kaẹn na ẹre a loo ro ya gbẹn e lẹta na ya ru igiemwi na. Ọni ma rhiema wẹẹ, ifiẹmwẹ hia na loo ro vbe lẹta na, ẹre uwẹ khian wa vbe gha loo vbe ẹghẹ ke ẹghẹ ne u khian ya gbẹn e lẹta gie ọmwa vbe ẹdogbo ne u na kporhu. U gha khian gbẹn e lẹta ruẹ, u ghi gha mwẹ ọnrẹn vbe ekhọe, evbọzẹe ne u khian na gbẹn nene lẹta, ọmwa ne u khian gbẹn ọnrẹn gie kevbe ilele ọghe ẹvbo nii.