Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 RHIEGBE YE IWINNA IKPORHU IYẸN NỌMA

Vbene A Ya Guẹ Sayọ Vbe Iwinna Ikporhu—Vbene U Khian Ya Muegbe Ẹre Yotọ Hẹ Ighẹ Ẹmwẹ Obọ Ruẹ Nu Khian Ta Ya Rhie Ebe Iyẹn Ladian

Vbene A Ya Guẹ Sayọ Vbe Iwinna Ikporhu—Vbene U Khian Ya Muegbe Ẹre Yotọ Hẹ Ighẹ Ẹmwẹ Obọ Ruẹ Nu Khian Ta Ya Rhie Ebe Iyẹn Ladian
GHẸRE

EVBỌZẸ NE Ọ NA RU EKPATAKI: Agharhemiẹn wẹẹ, vbene a ya rhie avbe ebe ọghe ima ladian ni rre ebe iwinna na loo vbe iko ru iyobọ ne ima, igiemwi kẹkan ẹre nọ. Ọ khẹke nu loo ẹmwẹ obọ ruẹ. U sẹtin gha hoo nu loo uhunmwuta ọvbehe nọ gha maan sẹ vbe ẹdogbo ne u na kporhu. Adeghẹ erriọ u hoo nu ruẹ, u sẹtin loo ọkpa vbe azẹvbiro na, ya muegbe ẹre yotọ ighẹ ẹmwẹ obọ ruẹ, ọni vbe iyeke u gha tie ne ebe nẹ, kevbe igiemwi ọghe vbene a khian ya rhiẹre ladian hẹ, deba e vidio ọghe ne orhiema.

VBENE A YA RUẸ HẸ:

Nọ egbuẹ, ‘I gha hoo ne I loo ọkpa vbe igiemwi ọghe vbene a khian ya rhiẹre ladian hẹ ra?’

ẸẸN

  • Muegbe ẹre yotọ ighẹ ẹmwẹ nu khian ya muẹn so. Vbe u gha ghi tuẹ otuẹ na tuẹ vbe ẹdogbo nii nẹ, u ghi gie ne ọ yan owa rẹn evbọzẹ ne u na rre. (U sẹtin kha wẹẹ: “Te I rre, ne I do . . . ”)

  • Muẹn roro vbene u khian ya rhilo inọta ne u khian nọ ginna evbagbẹn nọhuanrẹn ne u khian tie hẹ kevbe ẹmwẹ nu khian ta. (Vbe igiemwi: U ke tie Baibol, u sẹtin kha wẹẹ: “U gha miẹn ewanniẹ ọghe inọta na vbe ako na.”)

Ẹn o

  • • Zẹ uhunmwuta ọkpa nọ yẹẹ ruẹ vbe ne ebe iyẹn, nọ gha vbe yẹẹ emwa ni rre ako ne u na kporhu

  • Gualọ inọta nọ gha gua ọ yan owa kpa ya ta emwi nọ rre ọre ekhọe, ẹi re inọta nẹi khian sẹtin zẹ ewanniẹ yi. (Vbe igiemwi: Inọta nọ rre ipapa 2 ọghe ne ebe iyẹn.)

  • Zẹ evbagbẹn nọhuanrẹn ne u khian tie. (Adeghẹ Awake! ẹre u khian rhie ladian, ẹi re esalẹbẹ ne u tie Baibol rhunmwuda, emwa nẹi mobọ mwẹ irẹnmwi e Baibol kevbe ni ma mu orhiọn yan ugamwẹ ẹre a gu gbẹn ebe iyẹn na.)

  • Muegbe ẹre yotọ ifiẹmwẹ ọkpa ra eva ne u khian ya rhan otọre ma ọ yan owa ighẹ, iyobọ ne ebe na khian ru nẹ, vbe ọ gha tiẹre

VBE NỌ RHIRHIGHA YEHẸ

  • Muegbe ẹre yotọ inọta ọkpa ne u khian nọ, kevbe ne u gha rhie ewanniẹ yi vbe u gha werriegbe rre

  • Gbọẹn yotọ ighẹ ẹmwẹ ne u khian ta vbe u gha werriegbe rre, ne u ghẹ mieke na miamia