Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Ghẹ De Ye Ifi Nọ Rre Ehe Ne A Na Zẹ Ọse Vbe Intanẹt

Ghẹ De Ye Ifi Nọ Rre Ehe Ne A Na Zẹ Ọse Vbe Intanẹt

EVBỌZẸE NE Ọ NA RU EKPATAKI: Ẹmwata nọ wẹẹ, ehe ne a na zẹ ọse vbe intanẹt wa mwẹ iyobọ nọ ye, sokpan ehẹn rhiẹnrhiẹn, ọ mwẹ igban nọ. Ivbiotu e Kristi eso i zẹdẹ loo ehe ne a na zẹ ọse vbe intanẹt. Eso loo ẹre ya gu ẹgbẹe kevbe avbe ọse guan. Vbọrhirhighayehẹ, Esu hoo ne ima loo ẹre ghee ihan, nọ mieke na mu eni ima kevbe asikẹgbe ne ima gu Osanobua mwẹ rria. Vbe na ghee Jesu, ilele ni rre uwu e Baibol gha ru iyobọ ne ima ya rẹn eke ne ẹbe ye kevbe ne ima ya gbaẹngbe nẹẹn.—Luk 4:4, 8, 12.

IFI NỌ KHẸKE NE IMA GBAẸNGBE NA:

  • Na gha loo ehe ne a na zẹ ọse vbe intanẹt gberra egbe. Adeghẹ ima na gha loo ẹghẹ nọ bun gbe vbe intanẹt, ma i ghi miẹn ẹghẹ ya ru ọghe Osanobua

    Avbe ilele ọghe Baibol: Ẹfis 5:15, 16; Fil 1:10

  • Na gha ghee ra na gha tie emwi nọ ma khẹke. Ma na gha ghee avbe efoto ne ọ na kẹ ekherhe ne emwa bannọ ruan, ọ sẹtin si ima fi uyinmwẹ alamoghẹ; ọ sẹtin vbe ya ughe ne emwa na bannọ ruan fo ra ne iran na ru emwi ọdọ vbe amwẹ do maghan ima. Adeghẹ emwi ne emwa okeke gbẹnnẹ ye intanẹt ẹre ima ghi tie, ọ sẹtin ya amuẹtinyan ọghe ima khian nọ worua

    Avbe ilele ọghe Baibol: Mat 5:28; Fil 4:8

  • Na gha mu efoto ra na gha gbẹnnẹ ẹmwẹ nọ ma khẹke ye ehe ne a na zẹ ọse vbe intanẹt. Rhunmwuda wẹẹ ẹkokoudu ọghe ima sẹtin mu ima rẹrẹ, ma ke mu efoto ra gbẹn ẹmwẹ nọ ma khẹke ye ehe ne a na zẹ ọse vbe intanẹt, ma i rẹn. Sokpan, ọna sẹtin mu ima eni rria, ọ sẹtin vbe si ima digiẹn vbe odẹ ọghe orhiọn

    Avbe ilele ọghe Baibol: Rom 14:13; Ẹfis 4:29

A GHA GHI GHEE ẸRE FO NẸ IGHẸ NE VIDIO GHA YA ẸWAẸN LOO EHE NE A NA ZẸ ỌSE VBE INTANẸT, A GHI ZIRO YAN VBENE A KHIAN YA GBAẸNGBE NE AVBE IFI NA GIERE VBE EFOTO NI RRE OTOTỌ MWA: