Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRIST

De Vbene Ọ Wegbe Sẹ Hẹ Ighẹ Amuẹtinyan Ne U Mwẹ Daa Avbe Eyan Ọghe Jehova?

De Vbene Ọ Wegbe Sẹ Hẹ Ighẹ Amuẹtinyan Ne U Mwẹ Daa Avbe Eyan Ọghe Jehova?

Ẹmwẹ ne Jọsua kevbe Sọlomọn tae suigiẹ yọ wẹẹ ọkpa i rrọọ vbe ẹmwẹ ọghe Jehova nọ he de fua. (Jọs 23:14; 1 Ọba 8:56) Ẹmwẹ ne iran tae na, keghi ya ima mwẹ ilẹkẹtin wẹẹ, avbe eyan hia ne Osanobua yan rẹn gha mwẹ amusẹ.—2 Kọr 13:1; Tai 1:2.

De vbene Jehova ya mu eyan rẹn sẹ hẹ vbe ẹghẹ ọghe Jọsua? Uwẹ vbe ẹgbẹe ruẹ koko ghee ne ikueta ‘Ọkpa Vbe Ẹmwẹ Ọghe E Jehova Ma He De Fua.’ Iyeke ọni, uwa ghi ziro yan avbe inọta na: (1) De vbene u khian ya yegbe taa amuẹtinyan ọghe Rehab hẹ? (Hib 11:31; Jems 2:24-26) (2) De vbene igiemwi ọghe Ekani ya rhiẹre ma hẹ wẹẹ ẹbe ẹre ọ kẹrikian deghẹ a na mema he ẹmwẹ ye Osanobua obọ? (3) Agharhemiẹn wẹẹ ivbi iyokuo ẹre Ivbi e Gibiọn ghaa khin, vbọsiẹ ne iran na mu e Jọsua rẹrẹ kevbe ne iran na gu Ivbi Izrẹl ru adọlọ? (4) De vbene ẹmwẹ ọghe Jehova ya mwẹ amusẹ hẹ vbe ẹghẹ ne ọba isẹn ọghe Ivbi Amọri ya wẹẹ iran khian guọghọ Ivbi Izrẹl rua? (Jọs 10:5-14) (5) De vbene Jehova he ya ru iyobọ nuẹ hẹ zẹvbe ne u ya muẹn ye okaro ighẹ Arriọba ọghe Osanobua kevbe evbọ lelẹe khian?—Mat 6:33.

Adeghẹ ima na gha muẹn roro emwi ne Jehova he ru, emwi ne irẹn ru nia kevbe emwi ne ọ khian ru vbe odaro, amuẹtinyan ọghe ima ghi khian nọ wegbe sayọ.—Rom 8:31, 32.

Uwẹ mwẹ egbe amuẹtinyan ne Jọsua ghaa mwẹ ra?