Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Gi Iwinna Ikporhu Iyẹn Nọ Maan Gha Yẹẹ Ruẹ

Gi Iwinna Ikporhu Iyẹn Nọ Maan Gha Yẹẹ Ruẹ

Uwẹ he ka miẹn isievẹn rhọkpa vbe iwinna ikporhu iyẹn nọ maan ẹdẹ ra? Ma hia wa werriẹ aro daa isievẹn ughughan. Vbọsiẹ? Egbọre emwa ni rre ẹdogbo ne ima na kporhu i danmwehọ, ra ohan sẹtin vbe gha mu ima vbe ima gha khian gu ọmwa na ma rẹn ẹdẹ guan. Vbene ẹmwata, ọna sẹtin wa gbe orhiọn ye ima iwu. Ọrheyerriọ, ọ khẹke ne ima rẹn wẹẹ Osa ọghe oghọghọ ẹre ima ga kevbe wẹẹ ọ hoo ne ima gha sọyẹnmwẹ vbe ima gha ga irẹn. (Psm 100:2; 1 Tim 1:11) De emwi eha kpataki nọ gha ya iwinna ikporhu iyẹn nọ maan gha sẹ ima ọyẹnmwẹ?

Nokaro, igiuhunmwu ọghe ayayẹro ẹre ima ya wewe. Agharhemiẹn wẹẹ emwa nagbọn ma ghi rẹn eke na ghi rrie vbe agbọn na, ma gha sẹtin kporhu “iyẹn ne ọ maan” ma iran. (Aiz 52:7) Iyẹn nọ maan ọghe Arriọba Osanobua na, wa vbe ya ima sọyẹnmwẹ. U ke kpa vbe owa ya kporhu, muẹn roro afiangbe ne emwa nagbọn khian miẹn vbe ototọ Arriọba Osanobua.

Nogieva, iwinna ikporhu iyẹn nọ maan ọghe ima keghi ru iyobọ ne emwa vbe odẹ ọghe ikpakpa kevbe odẹ ọghe orhiọn. Ọ keghi ru iyobọ ne iran, ne iran ya zobọ vbe emwi dan, ne iran mieke na gha mwẹ ayayẹro ọghe arrọọ ọghe etẹbitẹ. (Aiz 48:17, 18; Rom 1:16) Iwinna ọghe ima keghi dekaan na gualọ emwa, na miẹn iran fan. Adeghẹ emwa eso ma hoo ne iran miẹnfan, ima ghi sẹ iran rae ya gualọ emwa ni hoo ne iran miẹnfan.—Mat 10:11-14.

Nogieha nọ ghi wa ru ekpataki sẹ ọre wẹẹ, iwinna ikporhu iyẹn nọ maan ọghe ima keghi rhie uyi gie Jehova. Aro nọ ghaan ẹre ọ wa ya ghee iwinna ọghe ima. (Aiz 43:10; Hib 6:10) Yevbesọni, ọ keghi rhie orhiọn nọhuanrẹn ọghẹe ne ima, ne ima ya sẹtin musọe vbe iwinna na. Nọnaghiyerriọ, ọ khẹke ne ima rinmwia e Jehova nọ ya ima gha mwẹ oghọghọ rhunmwuda, oghọghọ keghi re ọkpa vbe ọmọ ọghe orhiọn nọhuanrẹn. (Gal 5:22) Osanobua gha rre ima iyeke, ohan rhọkpa i khian mu ima vbe ima gha kporhu. (Iwinna 4:31) Ẹghẹ nii, ima ghi gha sọyẹnmwẹ vbe iwinna ikporhu iyẹn nọ maan ọghe ima agharhemiẹn wẹẹ ima werriẹ aro daa isievẹn vbe ako ne ima na kporhu.—Ezik 3:3.

De aro nọ khẹke ne u ya gha ghee iwinna ikporhu iyẹn nọ maan? Vbua khian ya rhiẹre ma hẹ wẹẹ u sọyẹnmwẹ ikporhu iyẹn nọ maan?

VBE A GHA GHI GHEE ẸRE FO NẸ IGHE NE VIDIO U GHA SẸTIN SỌYẸNMWẸ IWINNA IKPORHU DEGHẸ U NA GHA RUẸ NE EGBUẸ ẸSE, U GHI ZẸ EWANNIẸ YE AVBE INỌTA NA:

  • Vbọsiẹ ne ọ na khẹke ne ima gha rri evbare orhiọn vbe ẹghẹ hia agharhemiẹn wẹẹ ima wa ya ughaedẹ nibun kporhu vbe uki uki?

  • De vbene ima khian ya yegbe tae Mary hẹ?

  • De ẹghẹ ne u zẹkọ ne u ya ru erria yan Evbagbẹn Nọhuanrẹn?

  • De emwi nọ yẹẹ ruẹ vbe iwinna ikporhu iyẹn nọ maan?