Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Vbene A Ya Guẹ Sayọ Vbe Iwinna Ikporhu—Vbene A Ya Loo Avbe Vidio Ya Ma Emwa Emwi Hẹ

Vbene A Ya Guẹ Sayọ Vbe Iwinna Ikporhu—Vbene A Ya Loo Avbe Vidio Ya Ma Emwa Emwi Hẹ

EVBỌZẸ NE Ọ NA RU EKPATAKI:

E Vidio na ghee keghi gu ẹkokoudu ọghe ọmwa kpa rhunmwuda, emwi na bẹghe kevbe na họn keghi mu ọmwa ekhọe. Ai vbe rherhe miamiaẹn. E Jehova keghi rhie igiemwi nọ ghi maan sẹ yotọ, vbe nọ dekaan imamwaemwi ọghe uzaromiẹn.—Iwinna 10:9-16; Arhie 1:1.

Ne vidio Osanobua Mwẹ Eni Ra?, De Obọ Ọmwa Ne Baibol Ke Rre?, kevbe De Emwi Nọ Khian Ye Ima Yayi Wẹẹ, Ebe Ẹmwata Ẹre Baibol Khin? Keghi re orriete ọghe iruẹmwi 2 kevbe 3 ọghe ne ebe ẹmu Iyẹn Nọma. Ne vidio Vbọsiẹ na Gha na Ruẹ e Baibol?, De Vbene Iruẹmwi Ọghe Baibol Ye Hẹ?, kevbe De Emwi Na Ru Vbe Ọgua Arriọba? keghi gua emwa kpa ne iran do deba ima vbe iruẹmwi e Baibol ra iko na yo. Ma gha sẹtin vbe loo eso vbe avbe vidio ọghe ima ni taen vbe otọ vbe a gha gu emwa ruẹ e Baibol..km 5/13 3

VBENE A YA RUẸ HẸ:

  • Danlod ẹre yotọ e vidio nu hoo ne u kpee ma ọ yan owa

  • Muegbe ẹre yotọ ighẹ inọta ọkpa ra eva, na rhie ewanniẹ yi vbe ne vidio

  • Uwa koko ghee ne vidio

  • Uwa ziro yan avbe uhunmwu ẹmwẹ ni rrọọ

DANMWẸ ỌNA GHEE:

  • Rhie ọ yan owa ekhọe ghee ekodi nọ rre iyeke asobọrrie ọghe ima nọ mieke na sẹtin ghee ne vidio Vbọsiẹ na Gha na Ruẹ e Baibol?

  • Kpee ne vidio De Emwi Nọ Khian Ye Ima Yayi Wẹẹ, Ebe Ẹmwata Ẹre Baibol Khin? kevbe ne u rhie ne ebe ẹmu Iyẹn Nọma ne ọ yan owa vbene u gha na ziro yan iruẹmwi 3