Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 EMWI EWE NI RRE UWU ẸMWẸ ỌGHE OSANOBUA | LUK 8-9

De Emwi Na Gualọ Vbe Obọ Ọmwa Nọ Lele Jesu Khian?

De Emwi Na Gualọ Vbe Obọ Ọmwa Nọ Lele Jesu Khian?

9:62

Ne ọmwa nọ gua ghẹ mieke na ya tọnnọ uvun ye ehe nọ ma khẹke, ẹi khian gha ghee iyeke. Erriọ vbe ye, Ovbiotu e Kristi i khian gi emwi nọ sẹrae vbe agbọn na rhie ẹre ekhọe hin iwinna ugamwẹ ọghẹe rre.—Fil 3:13.

Adeghẹ ima na gha rre uwu ọlọghọmwa, ma sẹtin do gha kha wẹẹ, ‘ẹi sọn a miẹn agbọn ne ẹdẹ eso,’ ọni nọ wẹẹ, ma ghi do gha yerre, vbene emwi ka gha rhiẹnrhiẹn hẹ, vbe ẹghẹ ne ima ma na he rẹn odẹ ọghe ẹmwata. Ọ ghaa ye vberriọ, emwi ne ima wa gha sọyẹnmwẹ ọnrẹn ọkpa ẹre ima khian gha yerre, ma i ghi yee ẹre rre ighẹ avbe ọlọghọmwa ne ima vbe gha la gberra. Egbe iziro vbenia ẹre Ivbi Izrẹl vbe gha mwẹ vbe iran kpa nẹ vbe Igipt. (Nọm 11:5, 6) Adeghẹ ima na gha mwẹ egbe iziro vberriọ, ma sẹtin do gha roro ẹre wẹẹ, ma kue wa kpa hin odẹ ẹmwata na rre ẹre ọ maan sẹ. Vbene ẹmwata, ọ gha maan sẹ deghẹ ima na gha muẹn roro avbe afiangbe ne ima he miẹn vbe ẹghẹ na nia, kevbe afiangbe nibun ni khẹ ima vbe Arriọba Osanobua!—2 Kọr 4:16-18.