Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Uwẹ Vbe Ọtuẹn Ka Ya Dọlọ Nẹ—De Vbene A Khian Ya Ru Ọna Hẹ?

Uwẹ Vbe Ọtuẹn Ka Ya Dọlọ Nẹ—De Vbene A Khian Ya Ru Ọna Hẹ?

Gia ba kha wẹẹ, u rre Galili vbe ẹghẹ ọghe Jesu. U keghi mu okhian gha rrie Jerusalẹm ne u ya do Ugie Ọghe Irhu. Eguọmwadia e Jehova nibun vbe ke isi rre. U mu ẹwe ne u khian ya ru izọese lele egbe. U ghi sẹ e Jerusalẹm, u keghi piẹnpiẹn egbe la uwu ẹbu ọkhọngborrie emwa, ni ma ye orere ẹvbo nii zẹvbe ne u ya rrie ọgua osa. U ghi sẹ ọgua osa, u keghi bẹghe ẹre wẹẹ, emwa ni khian vbe do ru izọese wa bun ẹi re nekherhe. Ẹghẹ nọ ghi ya sẹ ruẹ egbe, u keghi yerre wẹẹ, uwẹ vbe ọtuẹn mwẹ egbe ẹzọ. Ọ gha kẹ, nene ọtuẹn sẹtin gha rre uwu ẹbu nii ra ehe ọvbehe vbe ẹvbo nii. Jesu keghi rhan otọre emwi nọ khẹke ne u ru. (Tie Matiu 5:24.) De vbene uwẹ vbe ọtuẹn khian ya sẹtin ru adọlọ hẹ zẹvbe ne Jesu khare? Vbuwe avbe azẹvbiro ni rre ototọ mwa, sẹ ama ye enọ gbae vbọ.

Ọ KHẸKE NE U . . .

  • gu ọtuẹn guan deghẹ u ghee ẹre wẹẹ, uwẹ ẹre ọ rriabe

  • tama ọtuẹn nọ fi uyinmwẹ ọnrẹn werriẹ deghẹ u ghee ẹre wẹẹ, ọmwa nọ rherhe mu ohu ẹre nọ kevbe wẹẹ, ọ vbe rriabe

  • gele rhie ehọ nẹẹn ta yi zẹvbe ne ọ ya fannọ otẹko ẹre ma ruẹn, u ghi vbe tama rẹn nẹ ghẹ gui, deghẹ emwi ne u ru ẹre sọnọ ọnrẹn

Ọ KHẸKE NE ỌTUẸN . . .

  • tama etẹn ọvbehe vbuwe iko emwi ne u ru ẹre, ne iran mieke na deba re

  • gu ruẹ gui, ọ ghi vbe yee ruẹ ẹre rre, emwi hia ne u ru nọ ma gba kevbe wẹẹ, ọ ghi wẹẹ ne u miẹn abakuru ruẹ kue

  • rẹn wẹẹ, imuegberriotọ kevbe udinmwẹ ne u mwẹ, ẹre ọ ya ruẹ bu ẹre rre do ru adọlọ kevbe wẹẹ, ọ ghi vbe ya ekhọe hia yabọ ruẹ

Agharhemiẹn wẹẹ, ma i ghi ru izoẹse ọghe aranmwẹ vbe ẹdẹnẹrẹ, de emwi ne Jesu khare vbekpae vbene asikẹgbe ne ima gu etẹn ima mwẹ, ya dekaan ugamwẹ ne ima rhie ne Osanobua hẹ?