Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Ukpamuyọmọ Ne Ima Mwẹ Na Ya Bọe Kevbe Na Ya Dọlọe Yi, Owa Ọghe Ugamwẹ Ẹmwata

Ukpamuyọmọ Ne Ima Mwẹ Na Ya Bọe Kevbe Na Ya Dọlọe Yi, Owa Ọghe Ugamwẹ Ẹmwata

Ọgua Osa ọghe Ivbi Izrẹl, keghi re na loo igho ọrhẹnrhẹn yi, erriọ iwinna nọkhua vbe ya lelẹe. Vbọrhirhighayehẹ, te Ivbi Izrẹl wa ye gha ye izọghae rhie egbe ye iwinna na. (1 Krọ 29:2-9; 2 Krọ 6:7, 8) Vbe iran ghi bọ ne ọgua Osa fo nẹ, iwinna ne Ivbi Izrẹl ghi ru ya gha dọlọe yi ẹre ọ ghi rhiẹre ma, deghẹ iran rhiegbe ye ugamwẹ ọghe Osanobua, ra iran ma rhiegbe yọ. (2Ọba 22:3-6; 2Krọ 28:24; 29:3) Vbe ẹdẹnẹrẹ, Ivbiotu e Kristi keghi wa loo ẹghẹ kevbe ẹrhiọn ye avbe Ọgua Arriọba kevbe Ọgua Asikoko na bọlọ kevbe na dọlọyi. Vbọrhirhighayehẹ, ọ keghi re ukpamuyọmọ nọkhua na gha winna lele Jehova, ọ keghi vbe re ẹkpotọ ne ima ya rhiẹre nẹ, ighẹ ugamwẹ nọhuanrẹn ọghomwa.—Psm 127:1; Arhie 7:15.

MA GHA SẸTIN GHA MWẸ OBỌ VBỌ LEKPAE . . .

  • Na gha kpe ẹre huan ako ne ima na do iko. Hia vbene u gha sẹtin ru sẹ ne u kpe ako nọ lẹga  ehe itota ọghuẹ huan.

  • Na gha deba etẹn kpe Ọgua Arriọba huan kevbe na gha dọlọe yi. Obọ nibun ẹre ọ ya iwinna kẹ, erriọ vbe ya sẹ ọmwa ọyẹnmwẹ.lv 92-93 okhuẹn 18.

  • Na gha ru iyobọ igho. Uhiẹn deghẹ a na ya ekhọe hia ru iyobọ ‘ekpini eva nọ ma sẹ emwi,’ ọ keghi ya ẹko rhiẹnrhiẹn Jehova.Mak 12:41-44.

  • Na gha rhie egbe ladian vbe iwinna Owa ugamwẹ na bọlọ deghẹ ẹkpotọ na kie. Ẹi re esalẹbẹ wẹẹ, te ọmwa gha guẹ iwinna owa na bọ, ọ ke sẹtin mwẹ obọ vbọ.