Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Hẹko Ye Izinegbe Gha Diakhẹ Ọre

Hẹko Ye Izinegbe Gha Diakhẹ Ọre

Inu ẹghẹ ẹre ọ ghi ye na ne u ke khẹ ne Arriọba Osanobua rre? Uwẹ fẹko ya izinegbe diakhẹ ọre ra, agharhemiẹn wẹẹ u werriẹ aro daa ọlọghọmwa? (Rom 8:25) Ivbiotu e Kristi eso rrọọ ne emwa khuiwu ẹre, na ya obọ nọ tọn mu, na mu ye uwu eghan, arrọọ ọghe eso kue vbe rre ikpadede. Ivbiotu e Kristi nibun keghi khuọnmwi emianmwẹ nọ wegbe, eso vbe khian ọmaẹn nẹ.

De emwi nọ khian ru iyobọ ne ima, ne ima gha ya izinegbe diakhẹ Arriọba Osanobua, agharhemiẹn wẹẹ ima werriẹ aro daa ọlọghọmwa? Te ọ khẹke ne ima gha tie Baibol vbe ẹdẹgbegbe, ma ghi vbe gha ru erria yan rẹn, ne amuẹtinyan ọghe ima mieke na gha wegbe sayọ. Te ọ khẹke ne ima rhie aro tua ayayẹro ne ima mwẹ. (2 Kọr 4:16-18; Hib 12:2) Ọ khẹke ne ima gha na erhunmwu gie Jehova vbe ẹghẹ hia, ma ghi vbe rinmwiaẹn ne ọ rhie ẹtin ọghe orhiọn nọhuanrẹn ọghẹe ne ima. (Luk 11:10, 13; Hib 5:7) Erha mwa nọ rre ẹrinmwi nọ mwẹ ahoẹmwọmwa gha ru iyobọ ne ima, ne ima “sẹtin ye izinegbe ye egbe miẹn emwi hia,” kevbe ne ima gha sọyẹnmwẹ.—Kọl 1:11.

VBE A GHA GHI GHEE ẸRE FO NẸ IGHẸ NE VIDIO TE IMA GHA YA IZIENGBE RHULẸ—GHA MWẸ ILẸKẸTIN WẸẸ IVE NII GHA SẸ RUẸ OBỌ, A GHI ZẸ EWANNIẸN YE AVBE INỌTA NA:

  • De emwi eso ne ‘a ma roro a ma kọ,’ nọ gha sẹtin sunu vbe arrọọ ọghomwa? (Asan 9:11)

  • De iyobọ ne erhunmwu ye, vbe ima ghaa werriẹ aro daa ọlọghọmwa?

  • Deghẹ a na miẹn wẹẹ, ima i ghi sẹtin ru vbene ima ka ru vbe ugamwẹ e Jehova, vbọzẹe ne ọ na khẹke ne ima rhie aro tua emwi ne ima sẹtin ru nia?

  • Rhie aro tua nene ive

    De emwi nọ ya ruẹ mwẹ ilẹkẹtin wẹẹ ive nii gha sẹ ruẹ obọ?