Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Gha Loo Ẹre Ẹse Ebe Ọghomwa Ni Hẹnhẹn Egbe Yan E Baibol

Gha Loo Ẹre Ẹse Ebe Ọghomwa Ni Hẹnhẹn Egbe Yan E Baibol

Jesu khare wẹẹ: “Te a rhie ne uwa ọghọhẹ, ọhẹ ọre uwa vbe rhiẹre ne emwa ọvbehe.” (Mat 10:8) Ma keghi lele adia na lekpae ne ima i na fian emwa igho vbe ima gha rhie Baibol ra ebe ọghomwa nọ hẹnhẹn egbe yan e Baibol ne iran. (2 Kọr 2:17) Vbọrhirhighayehẹ, ẹmwata ne kpataki ọghe Ẹmwẹ Ọghe Osanobua ẹre ọ rre avbe ebe na. Ẹi re avbiẹ ẹsọn a miẹn yọ kevbe ẹi re avbiẹ igho a loo ro a ke do sẹtin print avbe ebe na, viọ re gha rrie dọmwadẹ iko vbe uhunmwu otagbọn hia. Rhunmwuda ọni, ọ khẹke ne ima gha viọ ne ima gha sẹtin loo.

Ọ khẹke ne ima gha loo azamemwi vbe ima gha rhie ebe ne emwa, uhiẹn vbe ikporhu adesẹ orere. (Mat 7:6) Na gha te ya miẹn wẹẹ, u wa rhie ebe ne avbe ilavbodẹ kẹkan, hia nu gu iran guan nu mieke na rẹn deghẹ iran mwẹ ẹkorhiẹnrhiẹnmwẹ. Ẹẹn, ẹre ọ khian gha re ewanniẹ ruẹ vbuwe avbe inọta na gbẹnnẹ ye ẹkpẹtin mwa ra? Deghẹ ọ ma vẹ nuẹ rẹn wẹẹ ọmwa mwẹ ẹkorhiẹnrhiẹnmwẹ, ọ gha maan sẹ deghẹ u na rhie asobọrrie nẹ. Sokpan deghẹ ọ na wẹẹ na rhie ebe iyẹn ra ebe ọvbehe ne irẹn, ma sẹtin wa ya ekhọe hia rhie nẹ.Itan 3:27, 28.