Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

“I Gha Yo! Gie Mwẹ!”

“I Gha Yo! Gie Mwẹ!”

Orhiọn ọghe a hoo na ru ne Aizaia ghaa mwẹ sẹ na gha yegbe taa. Ọ keghi rhiẹre ma wẹẹ irẹn mwẹ amuẹtinyan vbene ọ na rherhe rhiegbe ladian nọ ya ru iyobọ agharhemiẹn wẹẹ ọ ma wa rẹn ototọ emwi hia. (Aiz 6:8) Uwẹ gha sẹtin ru afiwerriẹ eso, ne u mieke na sẹtin ya ga vbe ako ne a na gualọ iyobọ ọghe emwa ni kporhu iyẹn nọma ọghe Arriọba ra? (Psm 110:3) Vbene ẹmwata, ọ khẹke na “tota ka roro igho nọ gha gbe” ighẹ egbe okhian vberriọ. (Luk 14:27, 28) Vbọrhirhighayehẹ, muegbe ne u ya ru emwi nọ rhirhi gha khin rhunmwuda iwinna ikporhu iyẹn nọma. (Mat 8:20; Mak 10:28-30) Zẹvbe ne ima miẹn ọnrẹn vbe ne vidio Na Ya Ga Vbe Ako Ne A Na Gualọ Iyobọ, afiangbe ne ima miẹn vbe ugamwẹ e Jehova sẹ ẹrhiọn ne ima loo yọ.

VBE A GHA GHI GHEE NE VIDIO FO NẸ, U GHI ZẸ EWANNIẸ YE AVBE INỌTA NA:

  • De emwi eso ne dọmwadọghẹ vbe ẹgbẹe ọghe Williams ru ne iran mieke na sẹtin ya ga vbe Ecuador?

  • De usun emwi ne iran mu roro iran ke zẹ ako ne iran khian na ga?

  • De afiangbe ne iran miẹn vbọ?

  • De eke ne u khian na miẹn ayahọmwaehọ eso, deghẹ u hoo ne u ya ga vbe ako ne a na gualọ iyobọ?

VBE IRUẸMWI ẸGBẸE ỌGHE UWA NỌ DEE, UWA ZIRO YAN AVBE INỌTA NA:

  • De vbene ima khian ya ru sayọ hẹ vbe iwinna ikporhu iyẹn nọma zẹvbe ẹgbẹe? (km 8/11 4-6)

  • Adeghẹ ima ma sẹtin gha rrie ako ne a na gualọ iyobọ, de vbene ima khian ya sẹtin ru iyobọ hẹ vbe iko ne ima ye? (w16.03 23-25)