Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Ya Oyaya Gbe Ọbokhian Ne Iran

Ya Oyaya Gbe Ọbokhian Ne Iran

De emwa na khian ya oyaya gbe ọbokhian na? Ọmwaikọmwa nọ rhirhi rrie iko ọghomwa—ọre emwa ọgbọn nọ ra emwa ni ma ka rẹn ọ kpẹre. (Rom 15:7; Hib 13:2) Ọ sẹtin gha re ọtẹn nọ ke ẹvbo ọvbehe rre, ra ọtẹn nọ ghi kpẹẹ nọ la iko sẹ. Adeghẹ uwẹ nọ, vbọ khian gha ye ruẹ hẹ? Ẹi re te u khian gha ghọghọ wẹẹ etẹn ya oyaya gbe ọbokhian nuẹ? (Mat 7:12) Rhunmwuda ọni, ẹi re emwi nọ khẹke nọ ne u hia ne u tuẹ emwa ọvbehe ni rre, a te miẹn wẹẹ iko suẹnrẹn kevbe a gha zobọ nẹ ra? Ma gha ru vberriọ, ọ gha rhie uyi gie Jehova, ọ ghi vbe ya ahoẹmwọmwa ne ima mwẹ wegbe sayọ. (Mat 5:16) A sẹtin miẹn wẹẹ, ẹi re emwa hia ni rre ẹre ima khian sẹtin gu guan. Sokpan, deghẹ ima hia fẹrẹ na gha hia, ẹko ghi gha sẹ emwa hia ọyẹnmwẹ. *

Ẹghẹ hia ẹre ọ khẹke na ya gha mu ọghọ ye emwa egbe, ẹi re vbe a gha khian do ugie ne kpataki ọkpa vbe na ghee Ayere Ọghe Uwu Jesu. Emwa ọgbọn gha bẹghe vbene ima mwẹ ahoẹmwọmwa hẹ, ọna sẹtin gua iran kpa ya rhie urhomwẹ gie Osanobua, kevbe ne iran ya deba ima vbe ugamwẹ ẹmwata.—Jọn 13:35.

^ okhuẹn 3 Zẹvbe nọ gua ilele ọghe Baibol ro, ọ ma khẹke na gha gu iran muobọ ighẹ emwa na kan fua ra emwa ni tobọ iran kpa hin otu ọghe Jehova rre, ni rrie iko.—1 Kọr 5:11; 2 Jọn 10.